Amerikalı ata təcili əməliyyata girdi - Uşaqlarına azərbaycanlı həkim sahib çıxdı

Amerikanın Nyu-York şəhərində yaşayan 45 yaşlı Şiman Vrayt ötən həftə 3 uşağı ilə birlikdə istirahət üçün İstanbula gedib.

Şiddətli qarın ağrısı şikayəti ilə xəstəxanaya müraciət edən Vrayta azərbaycanlı cərrah Ülvi Abdullayev tərəfindən appendisit diaqnozu qoyulub və təcili əməliyyat olunması bildirilib. 3 uşaq atası olan Vrayt ona ilk müdaxiləni etmiş azərbaycanlı həkim Ülvi Abdullayevə uşaqları əmanət edəcək heç kimin olmadığını deyib və aldığı cavaba çox təəccüblənib. Abdullayev uşaqları evində qonaq edə biləcəyini bildirib. Vrayt bu təklif qarşısında göz yaşlarını tuta bilmədiyini deyib. Vrayt uşaqlara özünün baxacağını deyən həkimin sözlərinə əvvəlcə inanmayıb. O, "Türkiyədə bu şəkildə əməliyyat olacağım heç ağlıma gəlməzdi. Xəstəxanadakı ilk müdaxilədən sonra həkim burada uzun müddət qalma ehtimalım olduğunu dedi. Sağlamlığımdan əvvəl uşaqlarımı düşündüm. Heç kimə etibar edə bilməzdim. Amma həkim Ülvi bəyə çox güvəndim və uşaqlarımın onlarda qalmasına icazə verdim."

Uşaqlarına çox bağlı olduğunu və hər anının onlarla birlikdə keçdiyini deyən Vrayt "Xəstəxanada qaldığım müddətdə həkim mənim xahişlərimi geri çevirmədi. İş saatı bitdiyi zaman evinə gedib istirahət etməsi lazım olduğu vaxtlarda məni uşaqlarımla görüşdürürdü. Bu mənim üçün çox dəyərlidir" deyə bildirib.

Özünün də 3 yaşlı bir qızı olduğunu bildirən həkim Ülvi i Abdullayev sə deyib: "Yolda uşaqlara bir neçə gün bizdə qalacaqlarını demişdim. Evə girdikdə qızım bir az təəccübləndi. Uşaqları evə qoyduqdan sonra xəstəxanaya qayıdıb, atalarına məlumat verdim. Bir gün sonra əməliyyat baş tutdu və xəstə 3 gün xəstəxanada qaldı. Mümkün olduqca uşaqları atalarının yanına aparırdım, gedə bilməyəndə isə görüntülü danışdırırdım. Evdə isə qızım, qonşularımızın eyni yaşlardakı uşaqları və qonaqlarımız birlikdə oynayırdılar. Qonşularımız da 3 gün boyunca bizə çox dəstək oldular, uşaqları birlikdə saxladıq" deyə bildirib.

metbuat.az