A24.Az yazdı, Xaçmazdakı qeyri-adi abidə yığışdırıldı – FOTO

Bu gün səhər saatlarında A24.Az Xaçmaz rayonunun girişində inşa edilən qeyri-adi abidə ilə bağlı material yayımlamışdı. Materialda telefonla danışan qız heykəlinin hansı məna daşıdığı araşdırılmışdı. Bu barədə açıqlama verən Xaçmaz rayon icra hakimiyyəti başçısının müavini Bəxtiyar Osmanov qeyd etmişdi ki, abidə qeyri-adi deyil, müasir bir abidədir.

GoldNews.Az xəbər verir ki, artıq bir neçə saat əvvəl həmin abidə yerindən götürülüb. Abidənin sökülməsinin səbəbini öyrənmək üçün yenidən Bəxtiyar Osmanovla əlaqə saxladıq. Bəxtiyar Osmanov abidənin yerindən götürülməsi faktını təsdiq etdi. “Bəli. Abidə yerindən götürüldü. Lakin sökülməyib. Başqa bir yerdə yerləşdirilməsi planlaşdırılır”. Lakin qalmqallı abidənin şəhərin hansı hissəsinə yerləşdiriləcəyi hələki planlaşdırılmayıb. Abidənin yerindən götürülmə səbəbinə gəlincə B.Osmanov dəqiq informasiya vermədi: “Götürmüşük də. Rayon rəhbəri belə tapşırıq verdi, biz də götürdük”. Qeyd edək ki, həmin abidə sosial şəbəkələrdə birmənalı şəkildə kəskin tənqid olunmuşdu.