90 yaşlı qadın azərbaycanlı təcavüzkarın cinsiyyət orqanından sıxaraq canını qurtardı - VİDEO

Azərbaycanlı gənc Türkiyədə yaşlı və əlil qadını vəhşicəsinə döyüb pullarını və qızıllarını oğurlayıb.

GoldNews.Az A24.Az-a istinadən xəbər verir ki, vicdanları sarsıdan hadisə Türkiyənin Marmaris şəhərində yaşanıb. 90 yaşlı Sabahat Çelebi əlil arabası ilə gəzintiyə çıxıb, evə qayıdan zaman yorulan yaşlı qadın dincəlmək üçün parka gəlib. Bu zaman Azərbaycan əsilli Sərxan Səfərov adlı bir gənc velosipedi ilə ona yaxınlaşıb və köməyini təklif edib. Yaşlı qadın isə Sərxan Səfərovdan 10 lirə qarşılığında əlil arabasını 100 metr məsafədə yerləşən evinin qapısına qədər aparmasını xahiş edib.

Yerə yıxıb boğazından yapışdı…

Belə ki, azərbaycanlı gənc qadını evinə gətirən zaman qapı açılar-açılmaz içəri girib qonaq otağında əyləşib. Qadından çay dəmləməsini istəyən azərbaycanlı daha sonra yaşlı qadını əlil arabasından yıxıb hamam otağına sürüyüb, boğazından yapışaraq qadını boğmağa və zərbələr endirməyə başlayıb. Təcavüzkar əlinə geçən dəsmalla qadını boğmağa çalışıb. Bu zaman qadın Sərxan Səfərovun cinsiyyət orqanından yapışaraq xilas olmağa nail olub. Çələbi “əgər məni öldürməsən sənə bütün qızıllarımın yerini deyəcəm” deyə təcavüzkara bildirib. Təklifi qəbul edən şəxs evdən 4 ədəd qızıl qolbaq, 165 lirə pul və bir torbaya yığılmış qızıl və gümüş zinət əşyalarını oğurlayaraq qaçıb. Yaşlı qadın polisə xəbər verəndən sonra azərbaycanlı gəncin Antalyaya qaçdığı öyrənilib. Axtarış zamanı S.S. gizləndiyi oteldə yaxalanıb.

Türkiyə mediasında yayımlanan azərbaycanlının görüntülərini videoda təqdim edirik: