17 bıçaq zərbəsi ilə öldürdüyü oğlunun cəsədi ilə - bir gün eyni evdə qaldı
Cənubi Kipr Türk Cumhuriyyətində 7 yaşlı oğlunu yatan yerdə 17 bıçaq zərbəsi ilə öldürən ananın oğlunun cəsədi ilə bir gün boyunca eyni evdə qaldığı ortaya çıxıb.
Bilge Lord Kunduracı adlı qadın daha sonra bıçaqla boğazını və biləklərini kəsərək intihara cəhd edib.
Hadisə bir gün sonra qadının həyat yoldaşının bir dostunun həyat yoldaşına atdığı “Whatsapp” mesajı ilə ortaya çıxıb. “Uşağımı öldürdüm, mən də ölmək üzərəyəm” şəklində mesaj alan bu adam polisə xəbər verib.
Hadisədən xəbər tutan qadının atasıTahir Lord da qızının yaşadığı binaya gəlib. İçəri girən adam nəvəsi Ercanın qanlar içində cansız bədənini və qızı Bilgeyi yaralı halda tapıb.
Gördüyü mənzərə qarşısında dözə bilməyən adam infarkt keçirərək pilləkəndən yıxılıb. Xəstəxanaya aparılan Tahir Lord həkimlərin müdaxiləsinə baxmayaraq xilas ola bilməyib.
Xəstəxanaya aparılan Bilge Lord isə həkim müdaxiləsindən sonra polis tərəfindən nəzarətə alınıb. İfadəsində cinayəti bir gün əvvəl işlədiyi ortaya çıxan qadının həyat yoldaşı tərəfindən tərk edildiyi və boşanma ərəfəsində olduğu bildirilib.
//metbuat
