150 milyon avroluk transfer bombası Barselonanın ƏLİNDƏ PARTLADI
Premyer liqanın güclü komandalarından Liverpool Monakodan transfer etdiyi Fabinhonun ardınca gözünün Barselonadan Ousmane Dembeleyə çevirib.
GoldNews.Az xəbər verir ki, Çempionlar liqasının finalında Real Madridə məğlub olmasının ardınca böyük bir hüzn yaşayan ingilislər transfer mövsümünü erkən açıblar. 2017-ci ildə 150 milyon avro qarşılığında Dortmunddan Barselonaya transfer olan Dembeleni əldən çıxarmaq haqqında düşünən katalonlar zədəsinə görə sıxıntılar yaşayan və forma geyə bilməyən oyunçunun satmaq istəyirlər. 17 oyuna çıxan Dembelenin performansı baş məşqçi Ernesto Valverdə tərəfindən yetərli görünməyib.
Liverpool isə 21 yaşlı fransız futbolçu ilə yaxından maraqlanır. Barselona forması ilə 3 qol, 6 məhsuldar ötürməlik performans göstərən Dembele ingilislərin baş məşqçisi Jürgen Kloop tərəfindən izlənilir.
