Uşaqla birlikdə böyüyən paltar

Körpə və kiçik uşaqların valideynlərinin ən böyük problemlərindən biri alınan geyimlərin uşaqların sürətli böyüməsi səbəbiylə qısa bir müddət sonra istifadəyə yararsız olunmasıdır.

GoldNews.Az xəbər verir ki, dizayner Ryan Mario Yashin daha uzun müddət geyinilən paltarlar hazırlayaraq uşaqlı ailələr üçün sərəfli olacaq bir üsul tapıb - Uşaqlarla birlikdə böyüyən paltarlar.

Hələlik 6-36 ay körpələr üçün istehsal olunan paltarlar tələbat olacağı təqdirdə daha böyük yaşlar üçün də istehsal ediləcək.

İngiltərədə yaşayan dizayner söyləyib ki, istehsalı ilk dəfə evimdə təcrübədən keçirdim və məşhur markalara müraciət etdim. Məşhur markalarla görüşlərimiz davam edir. Məncə, uşaq paltarında dizaynı yeniləmək lazımdır. Bu, təkcə ailələr üçün deyil, dünya üçün də sərfəli bir üsuldur.

"London Kral İncəsənət Kollecində oxudum.

Orada apardığım bir araşdırma kiçik peyklər üçün uzanan karbon lif panellərlə bağlı idi.

Mən də uzatma texnikasını uşaq paltarları üzərində tətbiq etdim".