Tramp son qərarı verdi: ABŞ ordusunda translar da xidmət edəcək ?

Amerika prezidenti Donald Tramp şəxsi "Twitter" hesabından ABŞ ordusu ilə bağlı yekun qərarını açıqlayıb.

GoldNews.Az xəbər verir ki, prezident bildirib ki, ordusunda transseksuallar xidmət etməyəcək: "Generallarım və hərbi mütəxəsislərimlə görüşlərimin ardınca bildirirəm ki, Ameria Birləşmiş Ştatları höküməti trans (cinsiyyət dəyişdirən) şəxslərin ABŞ ordusunda heç bir şəkildə xidmət etməsini qəbul etməyəcək və buna icazə verməyəcək".

"Ordumuz bu xərclərin yükünü daşıya bilməz"

"Ordumuz ancaq qəti və əzici zəfər əldə etməyi özünə məqsəd seçməlidir"- deyən Tramp "birliklərimiz təqaüdə səbəb olacaq müdhiş tibbi xərcləri və digər halların yükünü taşıya bilməz. Təşəkkür edirəm" deyə yazıb.

Obama qadağanı aradan qaldırmışdı

Trans birliklərin orduya qatılmasına əngəl olan qadağa keçmiş prezident Obama hökümətində hələ ötən il aradan qaldırılmışdır.

Xərclərini ordu ödəyirdi

O zamanki müdafiə naziri Aş Karter də trans əsgərlərin həkimlər tərəfindən lazım olan əməliyyat və hormon müalicələrinin də ordu tərəfindən ödənilməsi siyasətini dəstəkləyib.

250 əsgərin taleyi qeyri-müəyyəndir

Trampın yeni qərarı bundan sonrakı çağırışlarda tətbiq olunacaq. Hazırda orduda yer alan 250 trans əsgərin aqibətinin nə olacağı isə hələlik açıqlanmayıb.