Tikili işləri bahalaşdı: Evlərin qiymətində artım olacaqmı? – Açıqlama

Xəbər verdiyimiz kimi, bu ilin ikinci rübündə yerüstü tikililər üzrə qiymətlər 1,4 faiz, yol və körpü tikintisi üzrə qiymətlər isə 0,7 faiz artıb.

Bəs bu artım evlərin qiymətinə necə təsir göstərib?

Məsələ ilə bağlı Bizimyol.info olaraq əmlak mütəxəssisi Elnur Əliyevlə əlaqə saxladıq. E.Əliyev artımın evlərin qiymətinə təsir göstərmədiyini bildirdi:

” Bahalaşmanın əmlak bazarına elə də güclü təsiri yoxdur. Yeni tikililərdə ola bilər, amma köhnə tikililərin qiymətində artım müşahidə olunmur”.

Qeyd edək ki, Dövlət Statistika Komitəsi ötən rüb ümumilikdə tikintidə (tikinti-quraşdırma işlərində) istehsalçı qiymətlərinin əvvəlki rüblə müqayisədə 1,3 faiz bahalaşdığını bildirib.