Telefonu gecə şarjda saxlamaq təhlükəlidirmi? Mütəxəssislər xəbərdarlıq edir

Telefonu Gecə Şarj Etmək İstilik Risklərini Artırır

Telefonu gecə şarj etmək geniş yayılmış vərdişdir, lakin mütəxəssislər bunun batareyanın ömrünü azalda biləcəyini bildirir.

Hazırki smartfonlar dolduqda şarjı kəsən idarəetmə sistemləri ilə təchiz olunub. Buna baxmayaraq, cihazın yüksək doluluqda və isti mühitdə uzun müddət qalması litium-ion batareyanın kimyəvi qocalmasını sürətləndirir.

Gecə Şarj Etməkdən Qorunma Yolları

İstilik batareyanın əsas düşmənidir. Şarj zamanı telefonu yastıq, yorğan və ya digər hava almayan səthlərə qoymaq istiliyin çıxmasını əngəlləyir və riskləri artırır.

Mütəxəssislər məsləhət görürlər: telefonu daim 100 faiz səviyyəsində saxlamaqdan çəkinin, şarj edərkən oyun oynamaq və ya ağır tətbiqlər işlətməyin, həmçinin batareyanı tam boşaldana qədər istifadə etməyin.

Orijinal və sertifikatlı şarj adapteri və kabelindən istifadə edin. Keyfiyyətsiz aksessuarlar həm cihaz performansına, həm də təhlükəsizliyə mənfi təsir göstərə bilər.

Əgər mümkündür, batareyanı təxminən 20–80 faiz aralığında işlətmək uzunmüddətli dövrdə daha sağlam sayılır. Cihazlarda mövcud olan "Optimallaşdırılmış Batareya Şarjı" funksiyasını aktiv etmək isə şarjı istifadə vərdişlərinə görə idarə edir.

Şarj zamanı telefonu sərin və hava alan səthdə saxlamaq həm batareyanın ömrünü uzadır, həm də mümkün təhlükələri azaldır.

Mənbə: Milli.Az