ŞAD XƏBƏR - Kredit götürüb ödəyə bilməsəniz, yerinizə dövlət ödəyəcək - VİDEO

Növbəti ildən Azərbaycada sahibkarlara verilən kreditin həcminin artacağı gözlənilir. Bu isə həm iqtisadiyyatın inkişafına, həm də daha çox yeni iş yerlərinin açılmasına səbəb olacaq. Çünki yeni ildən etibarən ölkəmizdə Kredit Zəmanət Fondu fəaliyyətə başlayacaq və sahibkaralara kreditin bir hissəsi dövlət zəmanəti ilə veriləcək.

Dövlət sahibkarlara verilən kreditin bir hissəsinə zəmanət verəcək. Əgər sahibkar krediti banka qaytara bilməsə, onun əvəzinə ödənişi Kredit Zəmanət Fondu həyata keçirəcək.

Fond növbəti ildən fəaliyyətə başlayacaq. Sahibkar bankdan kredit götürmək istədiyi halda girovu çatmırsa kreditin bir hissəsinə görə zəmanət veriləcək və bununla kredit alınacaq.

Bu bankların da inkişafına şərait yaradacaq. Belə ki, daha çox kredit verən bank daha çox gəlir əldə edə biləcək.

Banklar Fonda birdəfəlik üzvlük haqqı ödəməlidir. Bu, əhəmiyyətli banklar üçün 75 min manat, digər banklar üçün isə 40 min manat müəyyən olunub. Sonra bir sıra xidmətlərə görə də müəyyən haqlar ödənilməlidir.