Ruslar "Terminator" istehsal etdi - Hər iki əli ilə atəş aça bilir - FOTOLAR
Rusiya prezidentinin köməkçisi Dmitriy Rogozin ölkədə istehsal olunan və 2021-ci ildə kosmosa göndərilməsi planlaşdırılan "FEDOR " adlı robotun artıq iki əli ilə atəş aça bildiyini açıqlayıb.
GoldNews.Az xəbər verir ki, "Twitter" üzərindən açıqlama verən Rogozin "Robot FEDOR iki əlindən istifadə edərək atəş etmə hünərini göstərdi" ifadələrini işlədib.
FEDOR-un həmçinin atəş edərkən hədəfə alıb, qərar vermək bacarığına sahib olduğunu da əlavə edən Rogozin "Biz terminator deyil, bir neçə sahədə işlək olacaq süni zəka istehsal edirik", açıqlaması verib.
FEDOR-un kosmik araşdırmalarda astronomlara yardım etməsi və kosmik stansiyada xidmət etməsi gözlənilir. O, həmçinin açar istifadə edərək qapı aça bilir, mişardan və avtomobildən istifadə edir.
