Qəbirdən canlı yayım etdi
Əslində hamının maraqlandığı bir suala cavab tapılıb.
GoldNews.Az xəbər verir ki, Stokholm yaxınlığındakı Södertelje bələdiyyəsinin son zamanlar fenomeni olan Moshe Küçükkaya 2.5 ton torpaq altında, tabut içində, iki gün qalıb. O, mobil telefonunun köməyi ilə “Facebook”dan canlı yayımladığı layihəsini başa çatdırıb.
Fenomen daha əvvəl də 1 ay kasıb, evsiz, küçədə pul toplayan insanlar kimi yaşayıb. Moshe Küçükkaya bir yandan qlostrofobik problemini aradan qaldırmaq üçün, digər tərəfdən isə yığdığı pul ilə Stokholmda yaşayan yaşlılar üçün əyləncə mərasimi təşkil edib.
Torpağın altında qaldıqdan sonra çıxarılan Küççükkaya 2 gün boyunca oyaq qalaraq sadəcə su içib.
O, yaşadıqlarını insanlarla bölüşüb və söyləyib ki, gələn səfər tabuta ölmüş olaraq daxil olmaq istəyir. Küçükkaya torpağın altında olarkən canlı yayımda bütün suallara cavab verib. Lakin hələ də gənc bu təcrübəni tez bir zamanda unudacağını düşünmür.
