Papa Fransisk mafiozların qarşısında diz çökdü - AYAQLARINI ÖPDÜ

Xristian katoliklərinin dini lideri Papa Fransisk Pasxa bayramından öncə İtaliyada təhlükəsizliyi yüksək şəkildə təmin edilmiş cəzaçəkmə evində keçmiş mafiozları ziyarət edib.

GoldNews.Az xəbər verir ki, Papa bayramdan öncə ayaqyuma ritualını həbsxanada həyata keçirib. Xristianlıq adətlərinə uyan Papa bir qrup məhkumun ayaqlarını yuyub və öpüb. Onun 12 məhkumun ayağını öpdüyü açıqlanıb. Onlardan 3-ü qadın, 2-sü isə ömürlük məhbuslar oub.

Papa bu hadisə ilə bağlı bunları deyib: "Sevginin yayılması üçün bir kölənin gördüyü iş... Əgər həbsdəki müşayiətçiləriniz üçün bir şeylər edə bilirsinizsə, edin. Başqalarına xidmət etmək, bu eşqdir. Hamımız günahkarıq. Hamımızın qüsurları var".

Xatırladaq ki, Pasxa bayramından öncə ayaq yumaq adətinin kökləri Hz. İsa zamanından gələn katolik adətidir. İnanca görə, Hz.İsanın çarmıxa çəkilməmişdən öncəki 12 əshabəsinin ayaqlarını yumağı təvazökar biri olmağı simvolizə edir.

Vatikanda bu adət illərdir ki, əsasən həbsxanalarda baş tutur.