Ordumuzun vurduğu erməni əsgər süni nəfəs aparatına qoşuldu
Xankəndində yerləşən "Muratsan" adlı xəstəxanaya vəziyyəti kritik olan yaralı əsgər gətirilib. GoldNews.Az xəbər verir ki, 17 iyunda baş verən atışma zamanı yaralanan erməni əsgəri Dağlıq Qarabağdan İrəvan Mərkəzi Hərbi Xəstəxanasına vertolyot ilə gətirilib. Bu barədə bu gün jurnalistlərə İrəvan Mərkəzi Hərbi Xəstəxanasının baş həkimi Qayne Ovannisyan məlumat verib.
Onun sözlərinə görə xəstənin vəziyyəti ağırdır.
“20 yaşlı Yuriy Armenoviç Zakaryan başından xəsarət alıb. Onun huşu özündə deyil və süni nəfəs aparatına qoşulub.
Başından xəsarət alan digər bir 20 yaşlı əsgər Armena Vardanyanın vəziyyəti isə stabildir.
O, özü sərəbəst nəfəs alır, ünsiyyət qura bilir. Əməliyyata hələ ki ehtiyac yoxdur, lakin o, həkimlərin nəzarəti altındadır”, -Qayne Ovannisyan əlavə edib.
