Murad Qulubəyli Leyla Əliyevanın ad gününü BELƏ TƏBRİK ETDİ - FOTO

Ötən gün prezident İlham Əliyevin qızı, Heydər Əliyev Fondunun vitse-prezidenti, "Baku" jurnalının baş redaktoru Leyla Əliyeva ad gününü qeyd edib. Leyla xanım Əliyevanın 33 yaşı tamam olub.

GoldNews.az xəbər verir ki, onu təbrik edənlərdən biri də yaxın dostu Dövlət Təhlükəsizlik Xidmətinin rəhbəri Mədət Quliyevin oğlu Murad Qulubəyli olub. O, Leyla Əliyevaya ən xoş arzularını çatdırıb.

"Əziz Leyla! Bu gün sənin günündür! Sənə ən gözəl arzular diləyirəm: uzun ömür, sağlam, xoşbəxt və firavan həyat arzulayıram, bütün xəyalların gerçək olsun, ətrafından vəfalı dostlar və əzizlərin əksik olmasın!"

Qeyd edək ki, Leyla Əliyeva 3 iyul 1985-ci ildə Moskva şəhərində anadan olub. Bakıda 160 saylı məktəbdə orta təhsil alıb. İsveçrədə və Böyük Britaniyada ali təhsilə yiyələnib. 2006-2008-ci illərdə Moskva Dövlət Beynəlxalq Münasibətlər İnstitutunda politologiya fakultəsinin dünya siyasəti ixtisası uzrə magistr pilləsini bitirib.

Leyla Əliyeva 2007-ci il mayın 10-dan Rusiyada Heydər Əliyev Fondunun Rusiya filialının rəhbəri kimi ictimai fəaliyyət göstərir. O, 2007-ci il dekabrın 19-dan Moskvada nəşr olunan “Bakı” jurnalının təsiscisi və baş redaktorudur.

2010-cu ilədək Moskva Dövlət Beynəlxalq Munasibətlər İnstitutunda Azərbaycan Gənclər Klubunun sədri olub.

2008-ci il may ayında Mədəniyyətlərarası Dialoqda İslam Konfransı Təşkilatının Gənclər Forumunun Baş Əlaqələndiricisi olub. O, 2009-cu il aprelin 8-də Rusiya Azərbaycanlı Gənclər Təşkilatının (AMOR) sədri seçilib.

Leyla Əliyeva 2011-ci ildən Heydər Əliyev Fondunun vitse-prezidentidir. O, 2011-ci il iyulun 4-də Azərbaycan Respublikası Prezidentinin Sərəncamı ilə Azərbaycan diasporunun inkişafı sahəsindəki xidmətlərinə gorə “Tərəqqi” medalı ilə təltif olunub.

Leyla Əliyeva 3 uşaq anasıdır. Onlar Mikayıl, Əli və Əminədir.