Mətanətin mahnısına yazılan şərh HƏR KƏSİ AĞLATDI: "Sevgilim dünyasını dəyişdi"
Müğənni Mətanət Ələsgərlinin "Youtube" sosial şəbəkəsində yerləşdirilən "Gözlərim" adlı ifasına yazılan şərhlərdən biri izləyiciləri duyğulandırıb.
GoldNews.Az xəbər verir ki, mahnı 2013-cü ilin yanvar ayında internetə yerləşdirilib və müğənninin klipinə Kənan Cəfərli adlı istifadəçi tərəfindən maraqlı və duyğulandırıcı bir şərh yazılıb.
Həmin şərhi sizə təqdim edirik:
"Bu mahnıya hər zaman sevdiyimlə qulaq asırdım.. Hər zaman görüşəndə deyirdik ki, bu, bizim mahnımızdı, toyumuzda bu mahnını sifariş verib, sən gəlinlikdə, mən isə bəylikdə oynayarıq... Amma zaman keçdi, həyat onu aldı əlimdən. Ağır xəstəliyə düçar oldu, dünyasını dəyişdi. İndi hər bu mahnıya qulaq asanda sakitcə otağıma girib, işığı söndürüb o qədər ağlayıram ki... Kaşki, mən də onun yanına gedə bilsəm... kaşkiiii...!!!"
Mahnının bəstəkarı Sənan Əlizadə isə sözügedən şərhə etinasız qalmayıb: " KENAN CEFERLI mən çox nadir hallarda fikirlərimi burda yazıram, amma "GÖZLERİM" mahnısının bestekarı olaraq sizə görə çox pis oldum. ALLAH sevib, amma itirdiyiniz insanın qəbrini nurla doldursun. O heyatda olmasa da, ruhu sizlədir, buna inanın. ALLAH derdinizi ovutmaq üçün sizə gözəl bir həyat qismət etsin, səbrinizi versin. MƏNİM bu bəstəm real heyatda yaşadıqlarımdan, acılarımdan doğularaq yarandı."
