Məşhurların "Qarabağ" - "Çelsi" matçı barədə proqnozları - Komandamız 2-1 qazanacaq
Bu gün "Qarabağ" Çempionlar Liqasının qrup mərhələsində ilk oyununa çıxacaq və Londonda nüfuzlu "Çelsi" klubu ilə qarşılaşacaq.
Oyundan əvvəl hər kəs sosial şəbəkələrdə nəticə barədə öz proqnozlarını verir. Bəziləri verdikləri proqnozları əsaslandırmağa çalışsalar da, çoxları sadəcə "Qarbağ" klubunun qalib gəlməsi üçün dua edəcəklərini söyləyirlər.
Məşhurlar arasında da axşam baş tutacaq oyuna öz proqnozlarını verənlər oldu.
GoldNews.az onlardan bir neçəsini sizə təqdim edir.
Məşhur müğənni Mətanət Əsədova Oyunun "Qarabağ"ın qələbəsi ilə nəticələnəcəyinə ümid etdiyini söyləyib. O, hesabın 2:1 "Qarabağ"ın xeyrinə olacağını deyib.
Bəstəkar-müğənni Elza Seyidcahan da "Qarabağ" - "Çelsi" oyunu haqqında fikirlərini bölüşüb. O, Qarabağın qələbəsinə inandığını bildirib.
"Düşünürəm ki, hesab 2:1 "Qarabağ"ın xeyrinə olacaq. Mən Qurban Qurbanova təşəkkür edirəm. Futbolçularımıza isə məqsədli olmağı tövsiyə edirəm. İnşallah qələbə qazanarıq".
Əli Mirəliyev hesabın 1:1, ya da 0:0 olacağını söyləyib.
"Bu, mənim bir azərbaycanlı kimi arzumdur".
Müğənni Roza Zərgərli də "Qarabağ" - "Çelsi " oyununda hesabın 1:1 nəticələnəcəyinə proqnoz verib.
Aktrisa Xumar Səlimova hesabın 0:0 ilə olacağını dedi.
Müğənni Nura Suri axşam baş tutacaq oyunda hesabın heç-heçə ilə nəticələnməsini arzuladığını dedi:
"Çelsi güclü komandadır. "Qarabağ"ın Çempionlar Liqasında oynaması özü böyük uğurdur. Biz "Qarabağ" azarkeşiyik. Komandamıza uğurlar arzu edirəm".
Aynur Ələkbər, GoldNews.Az
