Məşhur müğənninin qardaşı adam öldürdü, qatil oldu - FOTO
Türk xalq mahnılarının məşhur ifaçısı Yusuf Harputlunun böyük qardaşı Nihat Gezer azadlıqdan məhrum edilib. GoldNews.Az xəbər verir ki, ifaçının qardaşına xəsarət yetirmə və qanunsuz silah gəzdirmə iddiaları ilə 13 il 6 ay 22 gün həbs cəzası verilib.
Məlumata görə, Nihat Gezer eyni binada yaşadığı qonşusu Hasan Parını öldürüb, oğlunu isə ağır yaralayıb.
Bildirilir ki, onunla eyni binada yaşayan Hasan Parın ondan yuxarı mərtəbədə yaşayan N.Gezerə, "yuxarıdan zibil atma, paltarlar kirlənir" deyib. Cavabında zibil atmadığını deyən Nihatla Hasan Parın arasında mübahisə yaranıb, daha sonra davaya çevrilib. Bu zaman Nihat Gezer qanunsuz saxladığı silahla Hasan Parın və oğlu Burak Parını güllələyib.
Ağır xəsarət alan 49 yaşlı Hasan Parın xəstəxanaya aparılarkən yolda ölüb, oğlu isə həyatda qalmağı bacarıb.
Hadisə yerindən qaçan Nihat Gezer 22 gün sonra Kadıköydə saxlanılıb.
