Facebook-dan inanılmaz YENİLİK - Bundan sonra...

"Facebook" istifadəçinin real şəxs olub-olmadığını təsdiqləmək üçün yeni növ təhlükəsizlik tədbirlərindən istifadə edir.

GoldNews.Az xəbər verir ki, bu sistemə "Captcha" adı verilib. "Captcha" isə hər hansı bir səhifəyə və ya hesaba giriş edərkən təsdiqləmə üçün istifadə olunan sistemdir. Məsələn, üzv girişində təsdiqləmə üçün qarşımıza çıxan hərf və rəqəmlərin olduğu qutucuq captchadır.

Twitter istifadəçilərindən biri tərəfindən "Facebook"un yeni kimlik təsdiq etmə sistemini göstərən ekran görüntüsü paylaşılıb. Görüntü xəbərdarlıq "Xahiş Edirəm, üzünüzü açıq şəkildə göstərən bir fotoşəkil qoyun. Fotoya nəzarət edildikdən sonra tam olaraq silinəcəkdir" yazır.

"Facebook"un mətbuat katibinin "WIRED" saytına verdiyi açıqlamada bunları deyib: "Bu sistem hesab yaratmaq, dost istəyi göndərmək, reklam ödəmələri kimi müxtəlif şübhəli tədbirləri həyata keçirməkdə bizə kömək olur".

Xülasə, sistem hesabın orijinallığını təsdiqləmək üçün yüklənən şəklə nəzarət edir. "Facebook"un mətbuat katibi foto testinin şübhəli tədbiri müəyyən etmək üçün istifadə edilən avtomatik və manual üsullardan biri olduğunu vurğulayıb.

Onun verdiyi məlumatlara görə, selfi şəkli təsdiq olunarkən istifadəçi "Facebook"dan da çıxış edə bilər. Bu halda isə ekranda "Hazırda daxil ola bilmirsiniz. Şəkiliniz araşdırıldıqdan sonra sizinlə ünsiyyətə keçəcəyik. Bir təhlükəsizlik tədbiri olaraq "Facebook"dan çıxış edəcəksiniz" xəbərdarlığı çıxır (Bu məlumat Twitterda silinən bir ekran görüntüsünə əsaslanır).

"Facebook" bu yeni texnikadan nə vaxt istifadə etməyə başlayacağını deməyib, ancaq Reddit və bir neçə internet birliyindəki istifadəçilər aprel ayında "Facebook"da istifadəçilərin yeni təhlükəsizlik tədbirləri ilə qarşılaşacağını bildirmişdi.