Danimarkadan əsgərlərinə "rus qızları" xəbərdarlığı - "Onlardan ehtiyatlı olun!"

Danimarka Təhlükəsizlik və Kəşfiyyat İdarəsi (PET) NATO tabeçiliyində xidmət edəcək əsgərlərinə xəbərdarlıq edib.

GoldNews.Az xəbər verir ki, Təhlükəsizlik və Kəşfiyyat İdarəsi Baltikyanı ölkələrdə xidmət edəcək əsgərlərini Tallin və Tartudakı barlarda rus və ruspərəst gənc qadınların təxribatlarına qarşı diqqətli olmağa çağırıb.

PET hesabatında bunları bildirib:

"Aparılan dəyərləndirmələrə görə, Danimarka Silahlı Qüvvələrinə qarşı təcavüzkar hərəkət və göz dağı ola bilər".

Həmçinin sənəddə o da yer alıb ki, Rusiya əsgərlərdən məlumat almaq və ya onları gözdən düşürmək üçün "Bal tələləri"dən istifadə edilə bilər, yəni yanlarına agent qadınlar göndərə bilərlər. Estoniyada xidmət edən əsgərlərin, xüsusilə Tallin və Tartu şəhərlərində yerləşən barlarda təxribatlara məruz qala biləcəyi vurğulanıb.

Danimarkanın müdafiə naziri Hjort Frederiksen bildirib ki, PET-in narahatçılığı əbəs deyil: "Əsgərlər təxribatlar və varlıqlarını gözdən salma cəhdləri ilə qarşılaşa bilərlər. Müdafiə Nazirliyi bu cari problemlər üzərində çalışır".