Daha bir siqaret markası qiymətləri ucuzlaşdırdı

“Japan Tobacco International” (JTI) şirkəti daha bir brendinə aid siqaretin Azərbaycan bazarında satış qiymətini azaldıb.

GoldNews.az Report -a istinadən xəbər verir ki, ucuzlaşma “LD Compact” markalı siqaretə aiddir. Onun qiyməti 1,50 manatdan 1,20 manatda endirilib.

JTI-nin istehsalı olan digər siqarətlərin qiymətinə gəlincə, hazırda şirkətə məxsus “Sobranie” – 2,80 manat, “Camel” – 2,50 manat, “Winston” – 2,3 manat, “LD Club” – 2 manat, “LD Club Extra” – 1,8 manat, “LD Excel” isə 1,8 manata təklif olunur.