Dünən Türkiyənin Muğla ərazisində 6.3 bal gücündə zəlzələ baş verib.
GoldNews.Az xəbər verir ki, müğənni Hadisə və ailəsi də zəlzələdən zərər çəkənlər arasında olub. İnstaqram hesabından şəkil paylaşan tanınmış sənətçi yaşadıqları dəhşətli anları belə izah edib: "Dünən Bodrumda zəlzələni hiss edən, qorxan hər kəsə bir daha belə anlar yaşamağı arzulamıram. Evimiz elə sallandı ki, özümüzü necə çölə atdığımızı anlada bilmərəm. Ağlıma gəldikcə həmin qorxunu bir daha yaşayıram. Şükür edirəm ki, ailəm yanımdadır. Bu fotonu hamımız çöldə yastıqlarımızla yatarkən bacım çəkib. Gecə ölkəmizdə ağır zəlzələlərdən əziyyət çəkənlərdən danışdıq və biz də yaşadıqları qorxunu az da olsa, hiss etdik. Allah, inşallah ölkəmizi bundan sonrakı zəlzələlərdən qorusun. Yaşanan zəlzələlərdə ölən vətəndaşlarımız üçün dua etdik, məkanları cənnət olsun".