Şəbnəm Əsədovanın efirdə səsləndirdiyi fikirlər prodüsser Tarix Əliyevi özündən çıxardıb.
GoldNews.Az xəbər verir ki, prodüsser özünün İnstaqram səhifəsində paylaşdığı yazı ilə Şəbnəmi qınayıb:
"Dünən saytların birində oxudum ki, Şəbnəm Tovuzlu deyib "Mən keçirəcəyim konsert Aygün Kazımovanın konsetindən yüksək olacaq. Düzdür, dünən Şəbnəmə 4 dəfə zəng vurdum açmadı. Sonra gördüm ki, "Space"də ən baxımlı verilişdədir. Şəbnəm dostumdur, amma haqqımı heç atama da yedizdirmərəm. Birincisi Şəbnəm deyir ki, konsertini Azərbaycanda keçirilən "Eurovision" yarışmasını çəkən komandadan 8 nəfərdi. Şəbnəm nəzərinə çatdırım ki, bu mötəbən yarışmanı çəkən komanda "Euromedia"ya aiddir və "Eurovision" müsabiqəsini çəkir. Atlantda şortiklə, çəkələklə gələn insanların olduğu konserti yox! İkincisi demisən ki, A.Kazımovaya hörmətin var. Amma ondan yüksək konsert verəcəksən? Xalq artistimizin Atlantda baş tutan 3 konsertini mən təşkil eləmişəm. Ondan əlavə Röya, Natavan, İtakli Pirstaxala və sairə müğənnilərin konsertini mən eləmişəm. Reklama da bu qədər pul qoymamışam. Çünki ora nə Yaşıl Teatrdı, nə də Heydər Əliyev Sarayı. Oranın adı üstündədir, Atlant İstirahət mərkəzi. Çünki onların adları brend olduğu üçün reklama ehtiyacı olmayıb. Sən nə qədər öz konsertini səviyyəli saysan da, bir şeyi unutma ki, Aygün Kazımova sənətindən danışmağa istər sənət, staj, istərsə də onun elədiyi layihələr qarşısında çox balacasan. Baxmayaraq ki, səni hər zaman müdafiə eləmişəm. Amma bu dəfə sözün biri də mənə çatdığı üçün cavabını verməli idim. Məkan seçəndə elə yeri seç ki, ilk solo konsertin üçün şortikdə gəlib baxmasınlar. Mən oranı əlimin içi kimi tanıyıram".