Azərbaycanlı iş adamı Telman İsmayılovun oteli yenidən fəaliyyətə başlayıb.
GoldNews.Az xəbər verir ki, Antalyanın Aksu rayonunun Kundu otellər bölgəsində 2009-ci ildə 1,4 milyard dollar xərclənərək inşa edilən və Sharon Stoun, Riçard Gere, Paris Hilton, Mariah Keri, Monica Bellucci kimi ulduzların iştirak etdiyi açılışla diqqəti çəkən "Mardan Palace" 2010-cu ildə də dünyanın ən lüks oteli seçilib. Bir müddətdir ki, adı əmlakının müsadirə olunması ilə anılan otel son zamanlar müştəri qəbulunu bir müddətlik dayandırıb.
Otelin baş direktoru "Mardan Palace"ın borc bataqlığında olmadığını, ancaq ödənməli olan borcların olduğunu bildirib. Buna qarşılıq əllərində olan mal varlığının, borclarından 5 dəfə çox olduğunu dilə gətirən direktor hər dövr şirkətlərin müəyyən çətinlikləri olduğunu dilə gətirib. Bizim üçün də bəhs edilən məsələ tamamilə bunun üzərinədir. Bu borc qarşılığında idman meydançamızı təminat olaraq göstərmişdik.
O qeyd edib ki, bu çətinlikləri aradan qaldırıb, yollarına davam edəcəklər.
"Oteli təmir səbəbi ilə bağladıq. Amma 200-ə yaxın şəxsi heyət işləməyə davam edir. 2018-ci ilə bir çox ciddi məsələlər planlaşdırdıq. Otelimizin yeni il açılışını çox yaxşı bir hind toyu ilə edəcəyik. "Mardan"ı köhnə ehtişamlı dövrünə döndərəcəyik. 31 martda otelin açılışı olacaq. Türkiyədə hind toyları prizmasından baxdıqda çox səs gətirən bir toy olacaq. Üzərimizdəki mənfi enerjini, hind toy ilə pozitivə çevirməyi planlaşdırırıq".