Məşhur modelin fotoları sosial mediada böyük marağa səbəb olub. O, Amerikanın PKK/YPG üçün təyin etdiyi "motivasiya vasitəsi"dir.
GoldNews.Az xəbər verir ki, əsl adı Elen Abdulla olan ancaq Helly Luv kimi tanınan 25 yaşlı model Cənubi Azərbaycanda, Urmiyada doğulub. Model və müğənni kimi fəaliyyət göstərir. Gah Məsud Barzaniyə, gah da Amerikaya tərəfkeşlik edir.
Körfəz müharibəsi zamanı uşaqkən ailəsi ilə birlikdə Türkiyəyə sığınan Helly Luv hazırda Türkiyəni özünə düşmən kimi görür.
Sosial şəbəkə hesablarında terror təşkilatlarının təbliğatını aparan Helly Luvun Amerika bayrağı ilə də şəkilləri var. O, Kann film festivalında da "kürd sənətçi" kimi iştirak edib. Müğənni hər yerdə "Mənim bütün mesajım ondan ibarətdir ki, Kürd xalqı olaraq xəyallarımız üçün hər şeyimizi qurban verməli və ölkəmiz üçün döyüşməliyik" deyir.
1988-ci ilin noyabr ayının 16-da İranda dünyaya gələn Helly Luv 18 yaşında musiqi karyerasını davam etdirmək üçün Los Ancelesə gedib və hazırda orada yaşayır. O, YPG terrorçularının "qəhrəmanı"dır.
"Twitter"dakı izləyiciləri arasında ABŞ-ın keçmiş prezidenti Barak Obama da var.