Bakı Metropolitenində daha bir nəfər özünü hərəkətdə olan qatarın altına atıb.
GoldNews.Az-ın hadisə yerində olan əməkdaşının verdiyi məlumata görə, hadisə bir neçə dəqiqə əvvəl Həzi Aslanov-İçəri şəhər xətti ilə ilə hərəkət edən qatar Koroğlu stansiyasına daxil olduğu zaman baş verib. Gənc oğlan qatarın stansiyaya daxil olduğunu görüb, özünü relsin üzərinə atıb. Dərhal metropoliten əməkdaşları hadisəyə müdaxilə ediblər və gənc relslərin üzərindən çıxarılıb.
Hələlik həmin şəxsin kimliyi və hadisənin səbəbləri bilinmir.
"Bakı Metropoliteni" Qapalı Səhmdar Cəmiyyətinin (QSC) mətbuat xidmətinin rəhbəri Nəsimi Paşayev AzVision.az-a bildirib ki, bu gün səhər saat 09:25-də gənc oğlan özünü "Həzi-Aslanov"-"İçərişəhər" istiqamətində hərəkət edən qatarın yoluna atıb.
Qurum rəsmisi qeyd edib ki, maşinistə qabaqcadan məlumat verilib və o, qatarı saxlayıb:
"Qatar yolundakı gərginlik dayandırılıb və oğlan oradan çıxarılıb. Hazırda qatarların hərəkəti normal qaydada davam edir", -deyə N.Paşayev vurğulayıb.