Bir neçə gün əvvəl ağır yol qəzası keçirdiyi deyilən müğənni Şəbnəm Tovuzlu qəza barədə açıqlama verib.
GoldNews.az xəbər verir ki, o qəzanın baş veriyini, lakin toqquşduğu avtomobilin sürücüsü ilə razılığa gələrək hadisə yerindən uzaqlaşdıqlarını bildirib. Mingəçevirdə nəzərdə tutulan, lakin baş tutmayan konserti haqqında da danışan müğənni əslində biletlərin satıldığını, lakin təşkilatçıların yalanlarından dolayı konserti təxirə saldiğını bildirib.
Xatırladaq ki, müğənninin Gəncədən Bakıya qayıdarkən qəzaya düşdüyü deyilirdi. Qəflətən qarşılarına çıxan "VAZ 07" avtomobili ilə toqquşan "Mercedes Viano" maşınında müğənnidən əlavə prodüseri və sürücüsü olub.