Azərbaycanlı biznesmen Mübariz Mənsimov iyulun 4-də ermənilərin vəhşicəsinə qətlə yetirdiyi 2 yaşlı Zəhra Quliyevadan danışıb.
GoldNews.az xəbər verir ki, Mənsimov hadisəni terror və faşizm adlandırıb. İş adamının açıqlaması türk mətbuatında da yer alıb.
"Heç kim hadisəslərə təkcə Azərbaycan xalqının problemi olaraq baxmamalıdır. İrqindən, dinindən alı olmayaraq bu olanlar cəzasız qalmamalıdır. 2 yaşında bir uşaq vəhşicəsinə qətlə yetirilib. Bu insanlığa yaraşmayan bir hücumdur. Bunu bütün dünya görməli və səssiz qalmamalıdır. Belə faciələrin qarşısı alınmalıdır. Mən Mübariz olaraq buna belə ad verə bilərəm: Terror və faşizm!”
Xatırladaq ki, 2 yaşlı Zəhra Quliyeva iyulun 4-də Ermənistan Silahlı Qüvvələrinin Füzulinin Alıxanlı kəndinə atdığı mərmi nəticəsində həyatını itirib.