Yasaq eşq qalmaqalı Manisa şəhərində baş verib.
GoldNews.Az xəbər verir ki, dövlət məmuru olan 35 yaşlı Mustafa K. günorta yeməyi üçün evə gəlib. Daha sonra kişi 27 yaşlı həyat yoldaşı Ayşenur K.-nın hərəkətlərindən şübhələnərək otaqdakı qarderobu açıb.
İddialara görə, o, burada həyat yoldaşının sevgilisi Halis A.-nı görüb. Yaxalandığını başa düşən Halis belindəki bıçağı çıxararaq Mustafanı bıçaqlayıb.
Əsəbi və yaralı ər mətbəxə qaçaraq əlinə keçən bıçaqla əvvəlcə Halis A.-nı kürəyindən, sonra isə xanımını qarın boşluğundan vurub.
Binadakı qonşuların xəbər verməsindən hadisə yerinə polislər gəlib və yaralılar xəstəxanaya çatdırırlıb. Əsəbi ər ifadəsində bunları deyib:
"Evə girəndə həyat yoldaşımı otaqda gərgin və həyəcanlı gördüm. Hərəkətlərindən şübhələndikdən sonra ona "Məndən bir şey gizləyirsənmi?" dedim. O da mənə "Yox, səndən nəyi gizlədim ki?" cavabını verdi. Şübhələndiyim üçün evdə hər yeri axtarmağa başladım. Sevgilisini qarderobda yaxalayanda isə beynimə qan sıçradı".