Böyük Britaniyanın baş naziri Tereza May sağçılara qarşı kəskin fikirlərlə çıxış edib.
GoldNews.Az xəbər verir ki, May Trampın son çıxışına münasibət bildirib. O, prezidentin Şarlotsvil hadisələri ilə bağlı tutduğu mövqeyi şərh edib:
"Mən faşist baxışlarının tərəfdarları və onlara qarşı çıxanlar arasında bərabərlik görmürəm. İrqçilik, nifrət və zorakılığın ideyasını təbliğ edən bu qruplara nifrət edirəm. Böyük Britaniya ultrasağ qruplarla bağlı tədbirlər görüb. Məsul vəzifədə olan şəxslərin radikalların baxışları ittiham etməsini zəruri hesab edirəm", - deyə o bildirib.