Goranboy rayonunun Qızılhacılı qəsəbəsində baş verən ağır yol qəzasının təfərrüatı bəlli olub.
GoldNews.az xəbər verir ki, ölənlər qardaş-bacı olublar.
Yaralılardan biri ölənlərin ailəsinin gəlinidir.
Qəzanı törədən şəxs Qızılhacılı kənd sakini “rəngsaz Tariyel” kimi tanınan şəxsin oğlu olub. O, bir neçə gün sonra hərbi xidmətə yollanmalı imiş.
Xatırladaq ki, bu gün Goranboy rayonunun Qızılhacılı qəsəbəsində ağır yol qəzası baş verib.
“Mercedes” və “VAZ 2107” markalı avtomobillərin toqquşması nəticəsində iki nəfər ölüb, üç nəfər isə ağır yaralanıb.
Xəsarət alanlar 1981-ci il təvəllüdlü Ulduz Əmrahova, 1987-ci il təvəllüdlü Xalidə Dəmirova, 1988-ci il təvəllüdlü Bikəxanım Rüstəmova ağır bədən xəsarətləri alaraq Goranboy Rayon Mərkəzi Xəstəxanasına yerləşdiriliblər.
Hadisə nəticəsində iki nəfər - Cəmilə Məmmədova və Sahib Məmmədov ölüb.