Dünyada ölümcül xəstəliklər sırasında yer alan ürək-damar xəstəlikləri son vaxtlar gənclər üçün də təhlükə yaratmağa başlayıb. Artıq 20 yaşlı gənclər də bu xəstəliyin qurbanı olurlar. Bu barədə professor həkim Haşim Üstünsoy danışıb.
GoldNews.Az bu xəstəliyi yaradan 5 səbəbi təqdim edir:
İrsi faktorlar
Gənclərdə ürək-damar xəstəliklərinin yaranmasında birinci rolu irsi faktorlar oynayır. Əgər sizin birinci dərəcəli qohumlarınızdan biri bu xəstəliyin daşıyıcısıdırsa, siz də bu problemlə üz-üzə qala bilərsiz. Erkən yaşlarda siqaret çəkmək, spirtli içkilərdən istifadə, stresli həyat tərzi ürək-damar xəstəliyinin yaranmasına təsir edir.
Mühit
Qərb həyat tərzindən fərqli olaraq, Şərqdə uşaqları həkimə sadəcə ciddi bir ağrı baş verdikdə aparırlar. Bu da xəstəliyin yaranmasına və yayılmasına səbəb olur.
Keçirilən infeksion xəstəliklər
Uşaqlıqda ciddi xəstəliklər keçirən və tam sağalmayan dəri xəstəlikləri, sidik kisəsində olan problemlər, böyüyəndə ürək və damar xəstəliklərinin yaranmasına səbəb olur.
Diqqətsiz cəmiyyət
Ürək-damar xəstəliklərinin artmasına bir səbəb də cəmiyyətimizdə insanların düzgün qidalanmamasıdır. Düzgün qidalanmamaq ürək damarlarının daralmasına səbəb olur. Son dövrlərdə gənclər arasında siqaret çəkmək vərdişi də sürətlə yayılır. Digər zərərverici maddələrdən istifadə etmək də ürək-damar xəstəliklərinin sürətini artırır.
Sağlamlığın pozulması
Xüsusən 20 yaşında qan piqmentlərindəki anormallıqlar ürək-damar xəstəliklərinin daha çox yaranmasına səbəb olur. Buna görə də əfsuslar olsun ki, ürək-damar xəstəliklərinə 10 yaşında olan uşaqlarda da təsadüf etmək mümkündür.