Tək arzusu saçlarının rəngini dəyişmək olub.
GoldNews.Az xəbər verir ki, İngiltərənin Sankt-Albans şəhərində yaşayan 29 yaşlı Kristy Weston saşlarının rəngini dəyişməyə qərar verib. O, qəhvəyi rəngli saçlarını boz rəngə boyamaq istəyib. Lakin dəhşətli görünüşlə qarşılaşıb.
Kristy aldığı ağ maddəni saçına sürtdükdən 15 dəqiqə sonra baş dərisində yanma hiss edib. Saçlarından yanıq qoxusuna bənzər iy gələn qadın bu ağrının dayanılmaz olduğunu, huşunu itirdiyini söyləyib. Bu prosesdən sonra Westenin üzü şişməyə başlayıb.
Gənc qadın bundan sonra antibiotik istifadə etməyə başlayıb. Lakin ağrı dözülməz olduğuna görə o, xəstəxanaya gedib. 3 həftədə o, 5 dəfə əməliyyat olub. Məlum olub ki, Westen baş dərisini yandırıb. Qadın qeyd edib ki, ucuz məhsul ucbatından keçəl qalıb.
"Bu məhsulun həyatıma bu cür təsir edəcəyini düşünməmişdim".
O söyləyib ki, yanıq olan nahiyələrin yerinə bir daha saç çıxmayacaq. İndi Westen sadəcə dərisinin sağalmasına çalışır.