Fransa prezidenti Emmanuel Makronun xanımı Brigitte Makron Amerikaya etdikləri rəsmi ziyarətdən danışıb.
GoldNews.Az xəbər verir ki, Amerikanın birinci xanımı ilə özünü müqayisə edən Brigitte, "Çölə çıxa bilmir. Mən əksinə, hər gün Parisdə gəzməyə çıxıram" deyib.
Fransanın birinci xanımının qalmaqallı sözləri dünya mediasında geniş yer alıb. Makron Amerikada səmimi şəkildə görüşdüyü Melaniyanın "Heç nə etmədiyini" və sıx təhlükəsizlik protokollarının amerikalı birinci xanımın azadlığına mənfi yöndə təsir etdiyini bildirib.
Melaniya üçün, "Ağ evdə bir pəncərə belə aça bilmir" deyə danışan Makron, "Çölə çıxa bilmir. Mənlə müqayisədə daha çox məhdudlaşdırılıb. Mən hər gün Parisdə gəzirəm" deyib.
Makron həmçinin bunları əlavə edib: "O güclü bir şəxsiyyətə sahib biridir, amma bunu gizlətməyə cəhd edir. Hər şeyə çox asan gülə bilir, amma bunu olduğundan az göstərir".
Qeyd edək ki, Amerika prezidenti Donald Tramp və xanımı Melaniya Tramp ötən həftə Fransanın prezidenti Emmanuel Makronla xanımını Ağ evdə qonaq ediblər. Amerika prezidenti medianın qarşısında əlini Melaniyaya uzadıb. 47 yaşlı birinci xanım isə ərinin əlini tutmağı rədd edib.