Rusiyanın paytaxtı Moskvada aksion dolu filmləri xatırladan hadisə yaşanıb.
GoldNews.Az xəbər verir ki, "Vesna" adlı ticarət mərkəzinin bağlanmasına 10 dəqiqə qalmış haradan gəldiyi bəlli olmayan "Ferrari" markalı avtomobil mağazaların yerləşdiyi dəhlizə gedib. Yüksək sürətlə hərəkət edən avtomobil ticarət mərkəzində şou göstərib. "Ferrari"ni meydanda drift edərək döndürən sürücü təhlükəsizlik xidmətinin əməkdaşlarını arxasınca qaçdırıb. Avtomobil üzərində Moskvada təşkil olunan illik iş yığıncağı olan"Synergy Insight Forum"un yazısı diqqət çəkib. 20 dəqiqəlik həyəcanlı anların ardınca təhlükəsizlik xidmətinin əməkdaşları hadisəni nəzarət altına götürüb.