"Facebook" şirkəti 2015-ci ildə insan duyğularını anlaya bilən bir proqram patentləşdirib.
GoldNews.Az xəbər verir ki, yeni iddialara görə, adıçəkilən patent sayəsində üz tanımaq alqoritmləri telefonların ön kameralarından istifadə edərək istifadəçilərin üzünü tanıyır və insanların duyğularını təxmin etməyə çalışır.
Bu patent "Facebook"dakı bir paylaşımı gördüyünüz zaman sizdən xəbərsiz telefonunuzun ön kamerasından yardım alacaq və üz ifadənizi yoxlayaraq duyğunuzu analiz edəcək. Beləliklə, hansı paylaşımda nə cür reaksiya verdiyinizi təyin edəcək. Məsələn, bir dostunuzun paylaşdığı şəklə baxıb gülürsünüzsə, alqoritmin xəbər qaynağında dostunuzun o tərzdə olan rəsmlərinə bənzər daha çox paylaşım görünəcək.