Kiyevin Beynəlxalq Sərgi Mərkəzində “Eurovision-2017” mahnı müsabiqəsinin final şousu baş tutub.
GoldNews.Az xəbər verir ki, müsabiqənin qalibi xalla 758 xalla Portuqaliya təmsilçisi Salvador Sobral olub. Təmsilçimiz Diana 120 xalla müsabiqəni 14-cü yerdə başa vurub. İlk 3-lükdə ardıcıl olaraq Bolqarıstan, Moldova, Belçika təmsilçiləri qərar tutub. Final mərhələsində 26 ölkə təmsilçisi iştirak edib: İsrail, Polşa, Belarus, Avstriya, Ermənistan, Hollandiya, Moldova, Macarıstan, İtaliya, Danimarka, Portuqaliya, Azərbaycan, Xorvatiya, Avstraliya, Yunanıstan, İspaniya, Norveç, Böyük Britaniya, Kipr, Rumıniya, Almaniya, Ukrayna, Belçika, İsveç, Bolqarıstan və Fransa.Azərbaycan təmsilçisi Diana Hacıyeva səhnəyə 12-ci çıxaraq “ Skeletons” mahnısını səsləndirib. 62-ci “Eurovision” mahnı müsabiqəsində 42 ölkənin nümayəndələri iştirak edib.