Ermənistanın ru1in.am. saytında siyasi analitik Sarqis Arsruninin yazdığı analitik yazı diqqət cəlb edib. GoldNews.Az xəbər verir ki, o, bu yazısında cəbhədə bir neçə gün əvvəl baş verən hadisəyə xüsusi diqqət çəkib, bundan başqa ölkəsinin hərbçi və siyasi xadimlərinin yarıtmaz fəaliyyətini ciddi tənqid edib. Həmin yazını təqdim edirik:
Artıq dörd gündür ki, cəbhədə gərginlik baş verir. Azərbaycan müharibəyə hazırlaşır və bu dəfə müharibənin xarakteri dəyişəcək. Bu səfər hər şey başqa cür olacaq. 16:30 radələrində Dağlıq Qarabağda azərbaycanlılar öz texniki bazalarından istifadə ediblər. Bizim üçün “OSA” zenit-raket sistemimizi itirmək problemdir, amma əsas problem Azərbaycanın yeni yaranmış raket növündən istifadə etməsidir. Bu da onu göstərir ki, Azərbaycan təkcə ruslarla əlaqə saxlamır, o həm də öz texniki bazasını qüvvətləndirmək üçün ruslardan silah da alır.
Bu hadisə bir daha onu göstərir ki, Azərbaycan yeni müharibəyə hazırlaşır və bu səfər sadəcə öz cəsur əsgərlərinə və generallarına güvənməklə yanaşı, həm də öz texniki bazasını qüvvətləndirir.
Ən böyük dəhşət ondan ibarətdir ki, bizim siyasi şəxsiyyətlər hələ ötənilki 4 günlük müharibədən nəticə çıxarmadılar.
Bizim diplomatların gücü sadəcə rüşvətlə bağlı məsələləri həll etməyə çatır. Rusiya isə heç bir şeyə qarışmadan hadisələri izləyir və Azərbaycana dəstək verir.
Rusiyanın bu cür hərəkət etməsi bizim üçün böyük bir təhlükədir. Bizim siyasi xadimlərimiz 4 günlük müharibədə itirdiklərimizin və bundan qabaq itirdiklərimizin hamısının günahkarıdırlar. Onlar hərəkət etmədikləri müddətdə hadisələr bu cür də davam edəcək.