Həyat yoldaşını öldürən gəlini qayınana və qayınatası müdafiə edib.
GoldNews.Az xəbər verir ki, Əli Hüyük adlı kişi Sevim Yıldırım Hüyükə xəyanət edərək, İzəl adlı başqa qadınla birlikdə olmağa başlayıb və ona ayrı ev tutub. Bundan sonra ərlə-arvad arasında dəhşətli mübahisələr yaşanıb, hətta dava zamanı həyat yoldaşının sevgilisi də Sevimi döyüb.
Uşağı, qayınanası və qayınatası ilə birlikdə yaşamağa başlayan qadın uşağı xəstələndiyi üçün əri və onun məşuqəsinin evinə gedib. Orada ər-arvad arasında yenidən dava düşüb, özünü qorumaq istəyən Sevim həyat yoldaşını bıçaqlayaraq öldürüb. Hadisə zamanı Əlinin sevgilisi də o biri otaqda olub.
Məhkəmədə Sevimin qayınanası və qayınatası gəlinlərini müdafiə edərək, onun oğullarını öldürmək istəmədiyini, sadəcə özünü qorumaq üçün belə etdiyini deyiblər. Əlinin valideynləri oğullarının İzəl ilə birlikdə olduqdan sonra dəyişdiyini və onları da döydüyünü qeyd ediblər.
Məhkəmə qadını "qəsdən adam öldürmə" cinayətindən 15 il müddətinə azadlıqdan məhrum edib.