Prezident Ərdoğan və Rusiyanın dövlət başçısı Putin Akkuyu nüvə stansiyasının təməli üçün təşkil olunan tədbirdə bir araya gəlib.
GoldNews.Az xəbər verir ki, tədbirdən sonra Türkiyə prezidenti "Twitter" hesabından türkçə və rusça "tweet"lər paylaşıb: "Ölkəmizin 30 illik xəyalı olan Akkuyu nüvə stansiyası Türkiyənin yüksəlməsi və Rusiya ilə enerji iş əməkdaşlığımız adına tarixi bir investisiyadır. Bu investisiyanın həyata keçməsinə yardımçı olan bütün əməkdaşlara təşəkkür edirəm, bütün məsul şəxsləri təbrik edirəm. Akkuyu nüvə stansiyasını 2023-cü ildən etibarən işə salmaq hədəfimizə doğru hamımız birlikdə çalışmağa davam edəcəyik. Rusiya ilə regional məsələlərdəki iş birliyimizi də hər keçən gün daha da artararaq davam etdirməkdə qərarlıyıq".