İngilis kral ailəsinin yeni gəlini aktrisa Meghan Markle dünyanın ən məşhur subayı olan Şahzadə Harrinin könlünü fəth edib və dəyərli nişan üzüyünü barmağına taxıb. Hər gün 36 yaşlı Markle bağlı maraqlı həqiqətlər ortaya çıxır. Bunlardan ən maraqlısı da Marklen dörd nəsil əvvəlki nənəsinin İngilis kral ailəsinin yanında işləyən xidmətçilərdən biri olduğudur.
GoldNews.Az xəbər verir ki, kral ailəsinin qeydlərinə görə Markleın böyük nənəsi Mari Bird İrlandiya təvəllüdlüdür, amma o, uzun müddət İngiltərədə yaşayıb. Bu zaman ərzində, yəni İngiltərədə yaşadığı müddətdə kral ailəsinə məxsus evlərdə xidmətçi kimi çalışıb. İngilis əsgəri olan Tomas Bird ilə evlənən Mari Bird ərinin ölümündən sonra uşaqlarını da götürərək əvvəlcə Kanadaya, sonra da ABŞ-a mühacirət edib.
Taleyin oyununa bax ki, Mari Birdin dördüncü nəsildən nəvəsi indi o ailənin yaraşıqlı şahzadəsi ilə evlənməyə hazırlaşır.
Ölkəsi İspaniyada əvvəl xəbər diktoru olaraq adını eşitdirən Letizia Ortis Rocasolano artıq İspaniya kraliçasıdır. Həm də o, 42 yaşında bu titula sahib olub.
İspaniyanın Oviedo şəhərində dünyaya gələn Letizia Ortis eynilə ana və atası kimi jurnalistika təhsili alıb. Əvvəlcə müxbirlik, sonra da aparıcılıq etməyə başlayıb. 2003-cü ildə isə həyatının axarı dəyişib. Avropadakı bir çox nəcib ailənin "ideal kürəkən namizədi" Asturias Şahzadə Felipe ilə tanış olub.
Avropada bütün gənc qızların sevimlisi olan İspaniya Vəliəhd Şahzadə Felipenin Letizia Ortizə sevməsi bir çox qızı məyus edib. Çünkü Ortis soylu bir ailədən gəlməyib. Üstəlik də daha əvvəl bir dəfə evlənib və boşanıb. Yəni bir kral ailəsi üçün heç də uyğun bir gəlin namizədi olmayıb.
Amma cütlük 22 may 2004-cü ildə görkəmli bir mərasimlə evlənib. Həm xalq, həm də kral ailəsi təkcə gözəlliyi ilə deyil, eyni zamanda zərifliyi ilə diqqət çəkən gəlinlərini çox seviblər.
Letizia Ortis ilə Şahzadə Felipenin Leonora və Sofia adlı iki qızı var. Taxtı atasından təhvil alan əri Felipe ilə birlikdə Avropanın ən sevilən gənc nəsil monarxiya üzvlərindən biri kimi qayğı görürlər.
Zadəgan titulu olmayan ailəyə mənsub olan və ingilis kral ailəsinə gəlin gedən Kate Middleton müasir çağların ən məşhur "Göyçək Fatma"sıdır.
Şahzadə Uilyam ilə eyni universitetdə oxuyan Middleton məktəbin moda həftəsində knyazın ağlını başından alıb. Cütlük uzun müddət eşqbazlıq edib, amma sonra yollarını ayırıblar. Bu ayrılıq zamanı belə Middleton hər şeyin bitdiyini qəbul etməyib. Sonunda da qalib gələn o olub. Çünki Şahzadə Uilyam Middletona geri qayıdıb.
Cütlük möhtəşəm bir mərasimlə evlənib. Bir vaxtlar uzun müddət evlilik təklifi almadığı üçün hər kəsin "gözləyən Katie" adını verdiyi Hersoginya üçüncüsü yaxın zamanlarda dünyaya gələcək övladları və ərilə xoşbəxt həyat sürür.
Mette Marit Tjensen ilə Norveç Şahzadə Haakonun eşqi sözün əsl mənasında nağıl kimi qiymətləndirilir. Knyazın Mette Marita sevdiyini eşidən başda ailəsi olmaqla, heç kimi o qədər də məmnun etməyib. Bunun yeganə səbəbi də gəlin namizədinin xalqdan biri olması olub.
Mette Marit evlənməmişdən əvvəl əlaqədən uşaq sahibi olmuş gənc qadın olub. Üstəlik, narkotik və dava kimi səbəblər üzündən polis şöbəsində də qeydiyyatı olub. Amma nəticədə Norveç Kraliçası Sonja oğlunun xatirinə dəstək verib. O, Norveç sarayına daxil olan ilk dul gəlin kimi tarixə keçib. Cütlüyün bir oğlan uşaqları var və nikahları xoşbəxt bir şəkildə davam edir.
Hər kəs onlardan nişan xəbəri gözləyərkən cütlük birdən ayrılıb. Amma bu ayrılıq uzun sürməyib. Şahzadə həyatının qadınını tapıb.
Avstraliyalı Mari Donaldson günün birində Danimarka Şahzadə Frederikin qəlbini çalacağını heç düşünməyib.
Amma gözlənilməz oldu və kommunikasiya mütəxəssisi Mari Donaldson 2000 Avstraliya Olimpiya Oyunları zamanı Danimarka şahzadəsi ilə tanış olub. Məhz bu həyatının dəyişdiyi an kimi tarixə keçib.
Anasını yeniyetmelik çağında ürək əməliyyatı zamanı itirən Mari artıq şahzadə titulu daşıyır və kral ailəsinə iki uşaq verib.
Monaco şahzadəsi Albert yaşı keçməsinə baxmayaraq, hələ də könlünə uyğun birini tapa bilməyib. Ancaq şahzadə könlünü üzgüçülük çempionu Charlene Wittstocka verib.
Gözəl idmançı Şahzadə Albert ilə evlənib. Keçmiş idmançı Wittstockun nişanlılıq dövründə bir neçə dəfə ölkədən qaçmağa çalışdığı irəli sürülüb. Toy iki il əvvəl baş verib. Ancaq Charlene Witstockun toyda tökdüyü gözyaşlarının səbəbi hələ də məlum deyil.
Cütlük iki uşaqları ilə birlikdə xoşbəxt həyat sürür.
Həm nağıllardakı, həm də həqiqi həyatdakı şahzadələr həmişə gözəllər-gözəli gənc qızlar olur. Amma bu dəfə bu qayda pozulub. İsveç Şahzadəsi Viktoriya xalqdan biri ilə ailə həyatı qurub.
Uzun illər dostluq edən 33 yaşlı Vəliəhd Şahzadə Viktoriya ilə Daniel Westling görkəmli bir toyla həyatlarını birləşdiriblər. Westling şahzadə qızın idman müəllimi olan zaman onlar bir-birlərini seviblər.
Şahzadə Karl Filip ilə Sofia Hellqvistin məhəbbəti baxışlarından bilinir. Bir zamanlar dünyanın ən məşhur subaylarından biri olan Karl Filip ilə Sofia Hellqvist 2010-cu ildə tanış olublar. Cütlüyün əlaqəsinin eşidilməsindən sonra da Hellqvistin keçmiş həyatı İsveç mətbuatı tərəfindən izlənməyə başlanıb.
Bunun səbəbi isə sadəcə gənc qadının soylu bir ailədən gəlməməsi deyil, kral ailəsi üçün mübahisəli olan səbəb olub. Gənc qadının 2004-cü ildə ildə kişi jurnal üçün yataqda ilanına sarılaraq verdiyi pozalar gündəmə gəlib. Hellqvistin bir reality şou proqramına qatıldığı və orada da həddindən artıq cəsarətli geyimi ilə önə çıxdığı danışılıb.
Əvvəllər İsveç kral ailəsi tərəfindən çox yaxşı qarşılanmasa da 30 yaşlı Sofia Hellqvist ilə 36 yaşlı Şahzadə Karl Filip ötən iyun ayında görkəmli mərasimlə evleniblər. Cütlüyün bir uşağı var.
Teatra bəlkə də onun qədər nəcib bir gözəlliyə sahib olan bir başqası heç gəlmədi. 1952-ci ildə hələ 20 yaşlarının başında Hollivuda addım atan bu gənc qızın gözəlliyi prodüserlər tərəfindən də qiymətləndirilib. Qari Cooper ilə birlikdə "Fourteen Hours" adlı filmdə oynayaraq kino dünyasına addəm atıb.
Sonra aralarında Alfred Hitchcockın da olduğu bir çox məşhur rejissorla işləyib. Kelly həyatının dönüş nöqtəsi "High Society" adlı film olub. Bu filmlə qatıldığı Kann Film Festivalında Monako Şahzadə Rayner ilə tanış olub. Bənzərsiz gözəlliyi və zərifliyi şahzadəni ovsunlayıb. Knyazın evlənmə təklifi gecikməyib. Grace Kelly artıq həqiqi nağıl şahzadəsidir. Üç uşaqları olub.
Amma onların hekayəsi "Əbədi birlikdə xoşbəxt yaşadılar" deyə bitməyib. Təəssüf ki, Grace Kelly 1982-ci ildə yol qəzasında həyatını itirib. Grace Kellinin nağıl şahzadəsi Ranier isə ondan illər sonra həyata vida edib.