Space TV-də yayımlanan "Hadisə harada, Tahirə orada" verilişinin çəkiliş heyəti Bakının Maştağa qəsəbəsində qayıntası tərəfindən qətlə yetirilən gəlinin evində olub
GoldNews.az xəbər verir ki, əvvəlcə ev sahibləri çəkilişə narazılıq etsə də, qətlə yetirilən qadının əri danışmağa razı olub. O, atasının onun əlini qana bulanmasını istəmədiyi üçün bu addımı atdığını bildirib.
"1 ildə mən ondan heç şübhələnməmişəm. Arvadıma inanırdım. Ona güvənirdim. Sevib evlənmişdim",-deyə xəyanətə uğrayan ər bildirib.
Qeyd edək ki, 1958-ci il təvəllüdlü Seyidmalik Məmmədov özünə məxsus qoşalülə ov tüfəngi ilə 1993-cü il təvəllüdlü, gəlini Aysel Xanağa qızı Məmmədovanın başından 2 güllə vuraraq qətlə yetirib. Hadisə yerinə rayonun hüquq-mühafizə orqanlarının əməkdaşları cəlb ediliblər və ilkin müayinələrə başlayıblar. Qətli törədən şəxs isə şübhəli şəxs qismində həbs olunub. Faktla bağlı Sabunçu rayon prokurorluğunda cinayət məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Cinayət işini araşdıran müstəntiq Zaur Qasımovun verdiyi açıqlamaya görə, S.Məmmədov oktyabr ayında gəlinini öz evinin hamam otağında qonşuluqda yaşayan Təhmasib Abasov adlı şəxslə intim əlaqadə olan zaman yaxalayıb. Ancaq həmin vaxt nə gəlininə, nə də qonşu oğlana xəsarət yetirməyib. Hətta oğluna da bu barədə bir söz deməyib. Ancaq kənd yeri olduğundan söhbətin böyüdüyünü görən Seyidmalik Məmmədov ötən gün axşam evə daxil olaraq odlu silahla gəlininin həyatına son qoyub. Qeyd edək ki, qətlə yetirilən şəxsin 1 azyaşlı övladı qalıb.