Bu il ali təhsil müəssisələrinə qəbul imtahanının birinci mərhələsində 200 balı keçən abituriyentlərin sayı plan yerlərinin sayından olduqca azdır.
Ekspertlər hesab edirlər ki, abituriyentlərin aşağı nəticə göstərməsi universitetlərdə plan yerlərinin boş qalmasına səbəb olacaq. Buna görə ayrı-ayrı ixtisaslar üzrə keçid balının 150-ə endiriləcəyi haqda fikirlər səsləndirilir.
Bununla bağlı Təhsil Nazirliyindən AzVision.az-ın sorğusuna cavab olaraq bildirilib ki, keçid ballarının aşağı salınması haqda danışmaq hələ tezdir.
"Ayrı-ayrı ixtisaslar üzrə keçid balının 150-ə salınması məsələsi ekspertlərin şəxsi fikirləridir. Öncədən bununla bağlı fikir yürütmək doğru deyil", - deyə məlumatda vurğulanıb.