Salyan rayonunda ölümlə nəticələnən yol qəzası baş verib.
Hadisə Salyanın Peyk kəndi ərazisində qeydə alınıb.
“VAZ 21 015” və “VAZ 2106” markalı avtomobillərin toqquşması nəticəsində iki nəfərin öldüyü, iki nəfərin xəsarət aldığı bildirilir. Bu, 1987-cu il təvəllüdlü Şirəliyev Ruslan Ariz oğlu və onun anası, 1968-ci il təvəllüdlü Şirəliyeva Kəklik Əlimərdan qızıdır.
Xəsarət alan Bakı sakini, 1961-ci il təvəllüdlü Kərimova Şərifə Əlimərdan qızı və Salyan rayon sakini, 1983-cü il təvəllüdlü Qaraxanov Pərviz İsa oğlu Şirvan şəhər Xəstəxanasına yerləşdirilib.
Faktla bağlı araşdırma aparılır. //APA