Yay aylarında ən çox əziyyət çəkdiyimiz problemlərdən biri də ayaqlarımızdan gələn inanılmaz qoxudur. Bu mövsümdə ayaqlarımız ayaqqabının içində tez tərləyir və bu vəziyyətdən həm biz, həm də ətrafımızda olan insanlar əziyyət çəkir. Bəs bu "bihuşedici" qoxunun qarşısını necə almaq olar?
GoldNews.Az bu pis iydən azada olmağın yollarını sizə təqdim edir.
Bakteriyaların yaranmasına icazə verməyin
Pis qoxunun yaradan bakteriyaların çoxu dırnaq və ya sərtləşmiş dəri altında olur. Ayaqlarınızı yuduqdan sonra dabandaşı ilə ovun. Dırnaqlarınızı mütəmadi olaraq kəsin.
Barmaq aralarını qurudun
Duşdan sonra göbələyin əmələ gəlməməsi üçün ayaq barmaqlarınızın arasını yaxşı qurudun.
Ayaqlarınıza çay vannası edin
Çay yarpaqlarının tərkibində olan maddələr tərləməyi azaldır və bakteriyaları yox edir. 3 çay qaşığı çayı 1 litr suda dəmləyin, üzərinə2 litr soyuq su əlavə edin və 15-20 dəqiqə ayaqlarınızı bu suda saxlayın. Hər gün ayaqlarımıza edilən bu cür vannalar həm ayaq qoxusuna qarşı müsbət təsir edəcək, həm də ayaqlarınızı rahatladacaq.