Cari 2017-ci ilin sonuna yaxınlaşarkən GoldNews.Az olaraq son günlərini yaşadığımız bu ilin ən önəmli hadisələrini silsilə şəklində sizə təqdim etməyə davam edirik.

Bu dəfə isə 2017-ci ild Azərbaycanda baş verən ən dəhşətli qətlləri silsilə şəklində bir araya topladıq.

Mingəçevir şəhərində baş vermiş ölüm hadisəsinin bəzi təfərrüatları məlum olub. 1967-ci il təvəllüdlü Kəmalə Məhərrəmova təqribən axşam saat 20:00 radələrində Şah İsmayıl Xətai küçəsi 10, mənzil 3-də ölü tapılıb. Hadisə yerinə şəhər Polis şöbəsinin əməkdaşları, təhqiqatçı və kriminalistlər cəlb olunub. Mənzildə araşdırma və təhqiqat işləri aparıldıqdan sonra meyit "təcili tibbi yardım" maşını ilə tibbi ekspertiza laboratoriyasına aparılıb. Mərhumun ailə üzvləri və yaxınlarının mənzilə girişi müvəqqəti olaraq məhdudlaşdırılıb. Əldə edilən məlumata görə, müəmmalı şəkildə ölü vəziyyətdə aşkar edilən Kəmalə Məhərrəmova uzun müddət əczaçılıqla məşğul olub. Həyat yoldaşı Əlövsət Məhərrəmovu təxminən 5 il öncə itirən qadının 3 oğulu var. Hadisə qeydə alınan zaman onlardan ikisinin evdə olmadığı bildirilir. Ümumiyyətlə ailədə elə bir ciddi problemin yaşanmadığı qeyd olunur. Hüquq-mühafizə orqanları tərəfindən araşdırmalar davam etdirilir.

Mingəçevir şəhərində oğlu tərəfindən amansızcasına öldürülən ananın qətlinin bəzi təfərrüatları məlum olub.

Şəhər sakinlərinin AzNews.az-a verdiyi məlumata görə, Kamalə Məhərrəmovanı öldürən Nail Məhərrəmov bir neçə ay bundan əvvəl həbsxanadan çıxıb: "Nail sabiq polis mayoru Əlövsətin oğludur. Kamalə Əlövsətin ikinci həyat yoldaşıdır. Əlövsətin apteki vardı, Kamalə də orada işləyirdi. Əlövsət dünyasını dəyişəndən sonra apteki Kəmalə Məhərrəmova işlədib. Nail Məhərrəmov 10 il idi ki, həbsdə idi. O, bir neçə ay bundan əvvəl həbsxanadan qayıtmışdı. Anasını başqa şəxslə görüb. Hətta ona bununla bağlı xəbərdarlıq da edib. Nailin anası ilə dəfələrlə dava-dalaşı olub. Yəqin ki, burada həbsxana həyatı da mühüm rol oynayıb."

Kişi həyat yoldaşı ilə birlikdə ata və anasını qətlə yetirdi - Masallıda dəhşətli hadisə

Masallı rayonunun Miyenkü kəndində baş verən dəhşətli qətl hadisəsinin bəzi detalları məlum olub. Məlumata görə, kənd sakini, 1989-cu il təvəllüdlü Ağayev Azər və onun həyat yoldaşı Asudə Ağayeva ailə münaqişəsi zəminində 1962-ci il təvəllüdlü Ağayev Etibar və Ağayeva Rəfiqəni öldürərək həyətlərindəki tövlədə basdırıblar və üzərini betonla örtüblər. Hadisənin ailə münaqişəsi zəminində baş verdiyi bildirilir. Məlumata görə, ər-arvad iyunun 5-də yoxa çıxıblar. Maraqlananlara Azər Ağayev valideynlərinin Rusiyaya yollandığını deyib. Hazırda rayonun hüquq-mühafizə orqanlarının əməkdaşları hadisə yerindədir. Qətli törədən şəxslər tutularaq istintaqa təhvil verilib.

Hadisə səhər saatlarında Mingəçevir şəhəri Nəsimi küçəsindəki 31 saylı mənzildə qeydə alınıb. Şəhər sakini, 1960-cı il təvəllüdlü Lazım Hüseynov ailə münaqişəsi zəminində aralarında baş verən dava zamanı həyat yoldaşı 1982-ci il təvəllüdlü Aynurə Hüseynovanı və iki azyaşlı övladı-2009-cu il təvəllüdlü Hüseyn Hüseynovu və 2012-ci il təvəllüdlü Mədinə Hüseynovanı bıçaqlayaraq öldürüb.

Mingəçevirdə arvadını və övladlarını öldürən şəxs kriminal aləmdə “Laska” ləqəbi ilə tanınır.

Lazım Ağa oğlu Hüseynov əvvəllər adam öldürmə və narkotik vasitələrin qanunsuz dövriyyəsi ilə məşğul olduğu üçün iki dəfə həbs edilib.

O, ümumilikdə 17 il məhkumluq həyatı yaşayıb.

L.Hüseynov arvadının və iki azyaşlı uşaqlarının başını kəsərək bədənindən ayırıb.

Hazırda dindirilən L.Hüseynov istintaqa ilkin ifadəsində hadisəni qısqanclıq zəminində törətdiyini bildirib.

Faktla bağlı Mingəçevir Şəhər Prokurorluğunda Cinayət Məcəlləsinin 120.2.4 (Xüsusi amansızlıqla və ya ümumi təhlükəli üsulla adam öldürmə), 120.2.7 (İki və ya daha çox şəxsi öldürmə), 120.2.9 (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülməsi ilə bağlı adam öldürmə) maddələri ilə cinayət işi başlanılıb.

Azərbaycanda dəhşətli qətl: KİŞİ ARVADINI VƏ ÖVLADLARINI YATAN YERDƏ "KVALT"LA VURDU

Bərdə rayonunda dəhşətli qətl hadisəsi baş verib.

Rayon sakini 1968-ci il təvəllüdlü Saday Əliyev arvadı və iki övladını yatan yerdə ağır çəkiclə (“kvalt”) vurub. Nəticədə S.Əliyevin arvadı 1973-cü il təvəllüdlü Gülbəniz Əliyeva ölüb. Onun övladları 18 yaşlı Məleykə Əliyeva və 14 yaşlı Murad Əliyev xəsarət alaraq xəstəxanaya yerləşdirilib. Onların vəziyyəti ağırdır. Faktla bağlı araşdırma aparılır Azərbaycanda dəhşətli qətl: Oğul və gəlin atanı öldürdü

Hadisə Biləsuvar rayonunda baş verib

Biləsuvar rayonunda dəhşətli qətl hadisəsi baş verib. İstiPress-in bölgə müxbirinin verdiyi məlumata görə, rayonun Zəhmətabad kəndində oğul və gəlin atanı qətlə yetirib.

Rahib Təzəbəy oğlu Rəsulov və Məleykə Rəsulova birlikdə Təzəbəy Rəsulov Bəylər oğlunu öldürüb.

Məleykə Rəsulova polis tərəfindən saxlanılsa da Rahib Rəsulov hadisə yerindən qaçıb və onun axtarışları davam edir.

Azərbaycanda dəhşətli qətl - Oğul ata və anasını öldürüb qaçdı

Gədəbəy rayonunda qətl hadisəsi baş verib.

Daxili İşlər Nazirliyindən verilən məlumata görə, sentyabrın 21-də Gədəbəy rayonunun Qurudərə kəndində yaşayan Şöhrət Məsimov evində ailə-məişət münaqişəsi zəminində atası Mikayılı və anası Aynanı bıçaqla qətlə yetirib və hadisə yerini tərk edib. Faktla əlaqədar cinayət işi başlanılıb.

Qardaşı arvadını qohumu ilə sevişərkən tutdu və... - Salyandakı olayın DƏHŞƏTLİ TƏFƏRRÜATI

Salyan rayonunda qətl hadisəsi törətməkdə təqsirli bilinən 1983-cü il təvəllüdlü Məmmədağa Quliyev və onun qardaşı, 1984-cü il təvəllüdlü Zaur Quliyevin cinayət işi üzrə məhkəmə prosesi başa çatıb.

Zaur Quliyev 4 oktyabr 2016-cı il tarixdə, gecə saat 01-də yaşadığı Salyan şəhəri, F.Məlikov küçəsində yerləşən 44 saylı evin birinci mərtəbəsindəki otaqda ailəsi ilə yaşayan qardaşı Məmmədağa Quliyevin arvadı Gülşən Feyziyevanın ərinin Bakı şəhərinə getməsindən istifadə etməklə yataq otağında kənar şəxslə intim əlaqədə olmasından şübhələnib.

Qardaşı arvadını yataqda kişi ilə tutdu

Daha sonra Zaur Quliyev mətbəxdən bıçaq götürərək Gülşən Feyziyevanın olduğu yataq otağına daxil olub. Orada uzaq qohumu Nurlan Xankişiyevin Gülşən Feyziyeva ilə birlikdə intim münasibətdə olduqlarını görüb.

Zaur Quliyev Nurlan Xankişiyevi qəsdən öldürmək məqsədi ilə onun ünvanına nalayiq sözlər işlədib, sonra onun üzərinə hücum edib. O, bıçaqla Nurlan Xankişiyevin döş qəfəsidən zərbə vurub.

Qanlı dava

Nurlan Xankişiyev özünü müdafiə edərək, Zaur Quliyevin bıçaq olan əlindən tutub və özündən kənarlaşdırıb. Sonra Zaur Quliyev evdən qaçmaq istəyib.

Bu zaman Zaur Quliyev arxadan Nurlan Xankişiyevin kürək nahiyəsinə daha iki zərbə vurub. Yaralı olan Nurlan oradan qaçaraq gedib.

Qardaşına verilən xəbər və hədə-qorxu

Daha sonra Zaur Quliyev gecə saatlarında Bakı şəhərində olan qardaşı Məmmədağaya zəng edib və evlərinin yataq otağında arvadı Gülşən Feyziyevanın Nurlanla intim münasibətdə olarkən yaxalaması barədə məlumat verib.

Bu zaman Məmmədağa ona telefonu Gülşən Feyziyevaya verməsini deyib. Həmin vaxt arvadı ilə telefonla danışan Məmmədağa ona dərman qəbul edərək özünü öldürməsini tələb edib. Əks halda Bakı şəhərindən qayıdaraq onu öldürəcəyini bildirib.

İntihar edən arvadını döydü

Sonra Məmmədağa Quliyev xəyanət etdiyinə görə arvadından qisas alaraq, qısqanclıq zəminində onu öldürmək qərarına gəlib. Bu məqsədilə dərhal Bakı şəhərindən yaşadığı Salyan rayonundakı evinə gəlib.

Məmmədağa Quliyev səhər saat 05-də evinə çatıb və arvadının yatdığı yataq otağına daxil olub. O, içdiyi dərmanların təsirindən halsız vəziyyətdə çarpayıda üzü üstə uzanan Gülşən Feyziyevanın bədəninin müxtəlif nahiyyələrinə yumruqla zərbələr endirib.

İntihar, yoxsa qətl?

Daha sonra Məmmədağa Quliyev huşsuz vəziyyətdə olan arvadının boğazından yapışaraq boğmağa başlayıb. İntihar etmək üçün dərman qəbul edən qadının isə həmin vaxt ona müqavimət göstərmək imkanı olmayıb. O, köməksiz vəziyyətdə olan Gülşən Feyziyevanı boğaraq öldürüb.

Məmmədağa Quliyevə Cinayət Məcəlləsinin 120.2.9-cu (təqsirkar şəxs üçün aşkar surətdə köməksiz vəziyyətdə olan adamı öldürmə, habelə adam oğurluğu və ya girov götürülməsi ilə bağlı adam öldürmə), Zaur Quliyevə isə 29,120.1-ci (qəsdən adam öldürməyə cəhd) maddələri ilə ittiham elan edilib.

İki qardaşın cəzası

Lənkəran Ağır Cinayətlər Məhkəməsinin hökmü ilə Məmmədağa Quliyev 16 il, Zaur Quliyev isə 7 il 10 ay 15 gün müddətinə azadlıqdan məhrum ediliblər.

Hökmdən narazı qalan məhkum qardaşlar apelyasiya şikayəti veriblər. Zaur Quliyev ittiham olunduğu Cinayət Məcəlləsinin 29,120.1-ci maddəsinin həmin məcəllənin 126.1-ci (sağlamlığa ağır xəsarət yetirmə) maddəsinə tövsif edilməsini, barəsində Cinayət Məcəlləsinin 70-ci (şərti məhkum etmə) maddəsinin tətbiq edilməsini istəyib.

Digər təqsirləndirilən Məmmədağa Quliyev isə ittiham olunduğu Cinayət Məcəlləsinin 120.2.9-cu maddəsinin həmin məcəllənin 120.1-ci (qəsdən adam öldürmə) maddəsinə tövsif edilməsini xahiş edib.

Hər iki şikayət araşdırılması üçün Şirvan Apelyasiya Məhkəməsinə göndərilib. İş hakim Etibar Camalovun sədrlik etdiyi kollegiyada araşdırılıb.

Apelyasiya şikayətinin dəlillərini araşdıran hakim heyəti sonda qərar elan edib. Qərara görə, Məmmədağa Quliyevin apelyasiya şikayəti qismən təmin olunub.

Məhkəmə onun barəsində olan cəzanı 15 ilə endirilməsi barədə qərar qəbul edib. Digər təqsirləndirilən Zaur Quliyevin apelyasiya şikayəti təmin olunmayıb.

Salyanda 4 qızını və arvadını öldürən qatil ata danışdı - Niyə öldürdüyünü AÇIQLADI

Salyanda 2014-cü ilin mart ayında həyat yoldaşı Fərhad Məhərrəm oğlu Əliyev tərəfindən qətlə yetirilən 56 yaşlı Mehparə Əliyevanın və 4 qızı- 1961-ci ildə anadan olmuş İradə Əliyevanın, 1991-ci ildə anadan olmuş Ümidə Əliyevanın , 1998-ci ildə anadan olmuş Rəqibə Əliyevanın və 1987-ci ildə anadan olmuş Sevda Əliyevanın cəsədlərinin qalıqları məhkəmə-tibbi ekspertizasından keçdikdən sonra bu gün səhər saatlarında ailələrinə təhvil verilib.

GoldNews.az-ın Virtualaz.org saytının Şirvan bürosuna istinadən məlumatına görə ana və dörd övladının cəsədlərinin qalıqları bu gün Salyan şəhər qəbristanlığında dəfn olunub.

Oğlu ilə birləşərək 2014-cü ildə arvadını və dörd qızını öldürüb yaşadığı evin altında basdıran qatil istintaqa ifadəsində bu dəhşətli cinayətin motivini danışıb. “Sputnik” agentliyi Salyan hüquq-mühafizə orqanlarındakı mənbələrə istinadən xəbər verir ki, qatil Fərhad Məhərrəm oğlu Əliyev dindirmə zamanı arvadını və qızlarını “onu saymadıqları üçün” öldürdüyünü deyib.

Xatırladaq ki, bu ailənin bütün yükü ananın çiyinlərində olub, o, min əzab-əziyyətlə qızlarını böyüdüb. Ata isə içki düşgünü olub, əyyaşlıqla məşğul olaraq ailəsinə baxmayıb.

“Onlar məni ailə başçısı kimi saymırdılar, hörmət etmirdilər və baxmırdılar. Bu səbəbdən öldürdüm”-qeyri-insani əməli törədən cinayətkar müstəntiqlərə bildirib. O, qətli oğlu ilə birlikdə necə törətdiklərini də danışıb. Qatil müstəntiqlərin “beş nəfəri birdən necə öldürdün?” sualına cavab olaraq deyib ki, oğlu Fəqanla birlikdə arvadını və qızlarını əvvəlcə ayrı otaqlara salıb və qapını bağlayıb, sonra öldürüb.

Qatil deyib ki, həmin gün onunla arvadı arasında mübahisə yaranmışdı, qızlar isə analarının tərəfini tuturdu.

Virtualaz.org-a o da məlum olub ki, salyanlı manyak-qatil qətliamı törətdikdən sonra arvadının ağzından qızıl dişlərini söküb. Çünki cəsədin eksqumasiyası zamanı qadının qızıl dişlərinin söküldüyü üzə çıxıb. Habelə cani qızlarından birinin qızıl boyunbağısını da meyitin üstündən götürüb, deyilənlərə görə onu hadisədən bir müddət sonra boyunbağını satarkən görüblər.

Xəbər verdiyimiz kimi cinayətkar arvadı Mehparəni, qızları Rəqibəni, Sevdanı, Ümidəni və İradəni qətlə yetirdikdən sonra onların meyitlərini evin yataq otağının altında, zirzəmidə yer qazaraq basdırıb. Həmin vaxtdan Mehparə və qızları itkin düşmüş şəxslər kimi axtarışda olublar. Lakin nəyə görəsə heç kimin ağlına gəlməyib ki, beş nəfər ailə üzvünün itkin düşməsinə görə F.Əliyevi və oğlunu dindirsin, ondan izahat alsın. Bu dəhşətli qətlin üstü isə təsadüfən Xoşqədəmin “Səni axtarıram” şousuna görə açılıb. Proqramda Mehparə və qızlarının Türkiyəyə getdiyi haqda ehtimalın müzakirəyə çıxarılmasından sonra cinayətkarlar bunu “qeyrətlərinə” sığışdırmayıblar və polisə gedib törətdikləri əməli etiraf ediblər.

Fakta görə Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 120.2.1. ( bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən adam öldürmə) və 120.2.7-ci (iki və ya daha çox şəxsi qəsdən öldürmə) maddəsi ilə cinayət işi başlanılmış , cinayəti törətməkdə şübhəli bilinən 63 yaşlı Fərhad Əliyev və cinayəti törətməkdə atasına yardım etməkdə şübhəli bilinən 28 yaşlı oğlu Fəqan Əliyev saxlanılıblar.

Qaynatası tərəfindən hamamda başqası ilə tutulan qadının - FOTOLARI

Ötən gün Sabunçu rayonu, Maştağa qəsəbəsində qayınata gəlinini odlu silahla qətlə yetirib.

GoldNews.Az xəbər verir ki, 1958-ci il təvəllüdlü Seyidmalik Məmmədov özünə məxsus qoşalülə ov tüfəngi ilə 1993-cü il təvəllüdlü, gəlini Aysel Xanağa qızı Məmmədovanın başından 2 güllə vuraraq qətlə yetirib.

Hadisə yerinə rayonun hüquq-mühafizə orqanlarının əməkdaşları cəlb ediliblər və ilkin müayinələrə başlayıblar. Qətli törədən şəxs isə şübhəli şəxs qismində həbs olunub.

Faktla bağlı Sabunçu rayon prokurorluğunda cinayət məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Rayon hüquq-mühafizə orqanlarından verilən məlumata görə, S.Məmmədov oktyabr ayında gəlinini öz evinin hamam otağında qonşuluqda yaşayan Təhmasib Abasov adlı şəxslə intim əlaqadə olan zaman yaxalayıb. Ancaq həmin vaxt nə gəlininə, nə də qonşu oğlana xəsarət yetirməyib. Hətta oğluna da bu barədə bir söz deməyib. Ancaq kənd yeri olduğundan söhbətin böyüdüyünü görən Seyidmalik Məmmədov ötən gün axşam evə daxil olaraq odlu silahla gəlininin həyatına son qoyub.

Qeyd edək ki, qətlə yetirilən şəxsin 1 azyaşlı övladı qalıb.

Bakıda DƏHŞƏTLİ QƏTL: bacı ilə qardaşın başını kəsdi, analarını isə... - TƏFƏRRÜAT

Bakıda dəhşətli qətl törədilib.

Milli.Az bildirir ki, Nərimanov Rayon Prokurorluğundan verilən məlumata görə, hadisə Montin qəsəbəsində qeydə alınıb.

Qəsəbə sakini Lətifə Qasımovanın yaşadığı evə gələn naməlum şəxs ev sahibəsini L.Qasımovaya bıçaqla xəsarət yetirib, onun övladları - 2001-ci il təvəllüdlü Saqil Səxavət oğlu Qasımzadə və 1991-ci il təvəllüdlü Fərizə Səxavət qızı Qasımzadəni boğaz nahiyəsini kəsməklə qətlə yetirib. Həmin şəxs daha sonra evdən 207 ABŞ dolları və 250 manat pulu götürərək hadisə yerini tərk edib.

Baş vermiş hadisə ilə bağlı Nərimanov Rayon Prokurorluğunda Cinayət Məcəlləsinin 120.1; 120.2.7; 120.2.11; 29,120.2.7; 181.3.3 maddələri ilə cinayət işi başlanıb.

Nərimanov Rayon Prokurorluğu və rayon Polis İdarəsi əməkdaşlarının birgə həyata keçirdikləri təxirəsalınmaz istintaq-əməliyyat tədbirləri nəticəsində hadisəni törətməkdə şübhəli bilinən Astara rayon sakini, əvvəllər məhkum olunmuş 1997-ci il təvəllüdlü Azər Nəriman oğlu Cəfərov tutularaq istintaqa cəlb olunub. Ondan cinayətdə istifadə etdiyi bıçaq maddi sübut kimi götürülüb. A.Cəfərov tutularkən L.Qasımovanın evindən götürdüyü 207 ABŞ dolları da onun üzərində olub.

Qeyd edək ki, zərərçəkən L.Qasımova hadisəni törədən A.Cəfərovun həyat yoldaşının xalasıdır. İlkin məlumata görə o, həmin mənzilə qarət məqsədi ilə daxil olubmuş.