Çexiyanın paytaxtı Praqada 65 yaşlı ana ilə 45 yaşlı qızı dostlarının evində faciəvi şəkildə ölüblər.
GoldNews.Az xəbər verir ki, ana ilə qızı girdikləri saunanın qapısının qulpu qırıldığına görə içəridə qalıblar. Bazar günü baş verən hadisə ilə bağlı müstəntiq bunları deyib:
"Ana və qızı dostlarının evində saunaya gediblər. Dostları ikilinin içəridə çox qaldığını düşünərək onları yoxlamağa gəlib və ikisini də yerde cansız halda yatarkən tapıblar".
Polis məmuru əlavə edib ki, iki qadın təxminən 90 dəqiqə boyunca içəridə qalıb: "Saunanın qapısının qulpu qırılıb və qadınlar içəridə bağlı qalıblar. Qapıdakı şüşəni sındırmağa çalışsalar da, bunu bacarmayıblar. "