28 fevral tarixində Ankarada yolun kənarında güllənmiş qadın meyiti tapılıb.
GoldNews.Az xəbər verir ki, araşdırmalar nəticəsində ortaya çıxıb ki, həmin şəxs 2 uşaq anası olan 35 yaşlı Özlem Aykutluğdur. İfadəsi alınması üçün polis nəzarətinə götürülən 4 qardaş etiraf ediblər ki, "kişilərlə gəzir" dedi-qodusunun üzərinə ailə məclisi qadın haqqında edam qərarı alıb.
"Səni İstanbula aparırıq" deyə avtomobilə mindirildiyi zaman Özləm öldürüləcəyini anlayıb və 4 qardaşına "Nə olar uşaqlarımı ortada saxlamayın, məni öldürəcəyinizi bilirəm" deyib.
Etirafın ardınca Ersin (37), Erol (32), Ferhat (25) və Yasin Aykutluğ (29) adlı qardaşlar ifadələrində eyni sözləri təkrar ediblər: "Aİləmizin şərəfinə ləkə yaxdı, namusumuzu təmizlədik, peşman deyilik".
Daha sonra mərhumun əri İldırım Aykutluğun cəzasını çəkdiyi həbsxanadan qaçdığı öyrənilib.
Polis mərkəzində ifadələri alınandan sonra bacılarını güllələyən qardaşlar çıxarıldıqları ilk məhkəmədə həbs olunublar.