Cani valideynlər həbs olunub.
GoldNews.Az xəbər verir ki, ABŞ-da 13 uşağı evlərində əsir saxlayan cütlük həbs olunub. 17 yaşlı qızın evdən qaçması nəticəsində polislər hadisədən xəbər tutub. Gənc qız polisə zəng edərək valideynlərinin onu və 12 bacı-qardaşını evə həbs etdiklərini deyib.
57 yaşlı David Allen Turpin və 49 yaşlı Louise Anna Turpinin evində 2-29 yaş arası 12 uşaq tapılıb.
Uşaqlardan bəziləri zəncirə bağlanmış vəziyyətdə tapılıb.
Hal-hazırda bütün uşaqlar müalicə olunmaq üçün bölgədəki xəstəxanaya yerləşdiriliblər.
Qonşuları cütlüyün heç vaxt evdən çıxmadığını və onlara heç kimin gəlmədiyini, sadəcə arada alış-veriş üçün çölə çıxdıqlarını qeyd ediblər.
Qeyd edək ki, David Allen Turpin məktəb direktoru kimi çalışıb.