Futbol komandası uğurlu turnirdən sonra ölkəyə çimərlik geyimindəki stüardessaların olduğu təyyarə ilə qayıdıb.

GoldNews.Az xəbər verir ki, Vyetnam U-23 Futbol komandası Asiya Kubokunda iştirak etmək üçün Çinə gedib. Bu hadis' ölkə futbolunun ən böyük nailiyyətlərindən biri hesab olunur.

Komanda Çindəki turnirdə finala qədər yüksəlib, ancaq finalda Özbəkistan U-23 Milli Komandasına 119-cu dəqiqədə uduzaraq turniri ikinci sırada tamamlayıb. Ancaq turnir ərzində ölkədə baş verən həyəcan və birlik abu-havası ikinci yeri qələbəyə çevirib.

Futbol komandasının əldə etdiyi nailiyyət qədər ölkəyə dönüş formaları da Vyetnamda gündəmə gəlib. Vyetnam Futbol Federasiyası finala qədər çıxan futbolçularını mükafatlandırmaq üçün Vyetnam Hava Yolları reysinə alınmış 44 bileti ləğv edərək, futbolçuların uçuşlarını çimərlik geyimindəki stüardessalara həvalə edib.

Çimərlik geyimindəki stüardessaların müşayiət etdiyi qayıdış səfərindən görüntülərin sosial mediada yayılmasının ardından vyetnamlılar vəziyyətə reaksiya göstəriblər. Oyunçuların bayrağı və Vyetnam dəyərlərini təmsil etdiyini bildirən bir çox şəxs bu təbrik mesajının ölkəyə hörmətsizlik olduğunu bildirib.

Mülki aviasiya qurumu uçuşdan sonra hava yolu şirkətini təhlükəsizlik pozuntusu səbəbindən cəzalandırıb. Şirkət isə bunun planlı olmadığını müdafiə edib.

Qeyd edək ki, Vietjet hava yolları bir müddət əvvəl bütün uçuşlarında açıq-saçıq geyimli stüardessalardan istifadə etməyə başlayıb. Bu da insanların hava yollarına olan marağını artırıb. Belə ki, şirkətin icraçı direktoru Nguyen Thi Phuong Thao ilk vyetnamlı qadın milyarder olmağı bacarıb.